° °

આજનું ઇ-પેપર
Saturday, 08 May, 2021


દહિસર ચેકનાકા પાસે ટ્રકમાંથી બે લાખ રૂપિયાના ગુટકા પકડાયા

29 December, 2012 07:43 AM IST |

દહિસર ચેકનાકા પાસે ટ્રકમાંથી બે લાખ રૂપિયાના ગુટકા પકડાયા

દહિસર ચેકનાકા પાસે ટ્રકમાંથી બે લાખ રૂપિયાના ગુટકા પકડાયા

આ ગુટકા એક ટેમ્પોમાં મમરા ભરેલા કોથળામાં છુપાવીને સપ્લાય કરવામાં આવવાના હતા. દહિસર પોલીસે આ સંદર્ભે આ ટ્રકના ૨૯ વર્ષના ડ્રાઇવર મોહમ્મદ ઇકબાલની ગુટકા સહિત રંગેહાથ ધરપકડ કરી હતી. આરોપી મોહમ્મદ ઇકબાલને ગઈ કાલે કોર્ટમાં રજૂ કરી તેને ૩૧ ડિસેમ્બર સુધી પોલીસ-કસ્ટડી આપવામાં આવી હતી.

દહિસર પોલીસ-સ્ટેશનના સિનિયર ઇન્સ્પેક્ટર અન્સાર પીરજાદેએ કહ્યું હતું કે ‘આરોપી ટ્રક-ડ્રાઇવર મોહમ્મદ ઇકબાલ મીરા રોડના કાશીમીરા વિસ્તારમાં રહે છે. અમને મળેલી માહિતીના આધારે અમે છટકું ગોઠવી નાકાબંધી વખતે ટ્રકનું ચેકિંગ કર્યું ત્યારે ટ્રકમાં મમરા ભરેલા ૧૦-૧૫ કોથળા મળી આવ્યા હતા. અમને શંકા જતાં અમે વધુ ચેકિંગ કર્યું ત્યારે એક કોથળામાં રાખેલી પીળા રંગની એક બૅગમાંથી અમને લગભગ બે લાખ રૂપિયાના ગુટકા મળ્યાં હતા.’

ન્યુ યર નજીક આવ્યું હોવાથી ગુટકા તથા નશીલા પદાથોર્ ટ્રકમાં કે અન્ય વાહનો દ્વારા કોથળામાં છુપાવીને મુંબઈમાં સપ્લાય કરવામાં આવી રહ્યા છે એમ જણાવીને પોલીસે કહ્યું હતું કે ‘તહેવારોમાં ગુટકાની ડિમાન્ડ વધવાથી એની સપ્લાય પણ વધારી દેવામાં આવી છે. આ ગુટકા તથા નશીલા પદાથોર્ સીધા કસ્ટમરોના અમુક અડ્ડાઓ સુધી પહોંચાડવામાં આવે છે અને ત્યાંથી કસ્ટમરોને મોંઘા ભાવે વેચવામાં આવે છે.’


29 December, 2012 07:43 AM IST |

અન્ય લેખો

મુંબઈ સમાચાર

ઉલ્હાસનગરના સ્વૅબ સૅમ્પલ સ્ટિક ફ્રૉડમાં મનીષ કેશવાણીની ધરપકડ

ગુરુવારે ધરપકડ કરવામાં આવેલો મનીષ કેશવાણી ફક્ત ૨૦ રૂપિયામાં ૧૦૦૦ સ્ટિક્સ મેળવીને ઝૂંપડપટ્ટીમાં રહેતા મહિલાઓ અને બાળકો પાસે પૅક કરાવતો હતો

08 May, 2021 01:14 IST | Mumbai | Gujarati Mid-day Correspondent
મુંબઈ સમાચાર

શિવસેનાના પ્રધાને રસીકરણ કેન્દ્રનું ઉદ્ઘાટન કરતાં કૉન્ગ્રેસ રોષે ભરાઈ

બાંદરા (ઈસ્ટ)માં ગુરુવારે શરૂ કરાયેલા આ રસીકરણ કેન્દ્રનું ઉદ્ઘાટન રાજ્યના પરિવહન ખાતાના પ્રધાન અનિલ પરબ દ્વારા કરવામાં આવ્યું હતું

08 May, 2021 01:34 IST | Mumbai | Gujarati Mid-day Correspondent
મુંબઈ સમાચાર

યુરેનિયમ જપ્ત બાબતે મહારાષ્ટ્ર એટીએસ પાસે માહિતી મગાવાઈ

એટીએસએ મુંબઈમાંથી બે આરોપી પાસેથી ૨૧.૩૦ કરોડ રૂપિયાની કિંમતનું ૭.૧૦૦ કિલો યુરેનિયમ બે દિવસ પહેલાં જપ્ત કર્યું હતું

08 May, 2021 01:11 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK