° °

આજનું ઇ-પેપર
Sunday, 20 June, 2021


પ્રૉપર્ટી ડીલિંગ માટે ગયેલા ૪ એજન્ટોએ જીવ સાથે ૧૦ લાખ રૂપિયા પણ ગુમાવ્યા

16 November, 2012 05:39 AM IST |

પ્રૉપર્ટી ડીલિંગ માટે ગયેલા ૪ એજન્ટોએ જીવ સાથે ૧૦ લાખ રૂપિયા પણ ગુમાવ્યા

પ્રૉપર્ટી ડીલિંગ માટે ગયેલા ૪ એજન્ટોએ જીવ સાથે ૧૦ લાખ રૂપિયા પણ ગુમાવ્યા



પનવેલથી ૨૦ કિલોમીટર દૂર આવેલા શિરાવલી વિલેજના એક ફાર્મહાઉસમાં પ્રૉપટી-ડીલની મીટિંગ કરવા ગયેલા ચાર રિયલ એસ્ટેટ એજન્ટ સહિત એક જ્યોતિષીની બુધવારે ક્રૂર હત્યા કરવામાં આવી હતી. ફાર્મહાઉસમાં પોલીસને ૫૩ વર્ષના રામદાસ પાટીલ, ૪૨ વર્ષના બાલારામ ટોપાલે, ૪૦ વર્ષના નીતિન જોશી અને પચીસ વર્ષના પ્રીતમ ઘરાતની ડેડબૉડી લોહીલુહાણ હાલતમાં મળી આવી હતી. પોલીસે જણાવ્યું હતું કે ‘આ ઘટનાનો ભોગ બનેલા બાલારામના માથા પર ગોળીનાં નિશાન મળી આવ્યાં હતાં, જ્યારે રામદાસની ડેડબૉડી બાલારામની બાજુમાં જ પડી હતી. પ્રીતમ ફાર્મહાઉસના દરવાજા પાસે મૃત અવસ્થામાં મળી આવ્યો હતો, જ્યારે નીતિનની ડેડબૉડી ફાર્મ હાઉસ જવાના રસ્તા પરથી મળી આવી હતી.’

આ ઘટનામાં ગોળી મારીને ફક્ત બાલારામની જ હત્યા કરવામાં આવી હતી, જ્યારે અન્ય ત્રણ જણની હત્યા પથ્થર અથવા કોઈ ધારદાર શસ્ત્ર વડે કરવામાં હોય એવાં નિશાન મળી આવ્યાં હતાં. પોલીસે કહ્યું હતું કે આ ફાર્મહાઉસ એપીએમસીના પ્રેસિડન્ટ અને લોકલ ઍગ્રિકલ્ચર ગ્રુપના ઍક્ટિવિસ્ટ દત્તા પાટીલનું છે અને તે રામદાસ પાટીલના અન્કલ છે. દત્તા પાટીલે પોલીસ-સ્ટેટમેન્ટમાં કહ્યું હતું કે ‘મિત્રો સાથે પ્રૉપટીની ડીલ કરવા માટે રામદાસે રવિવારે મારી પાસે ફાર્મહાઉસની ચાવી માગી હતી, પણ બુધવાર સુધી તેણે ચાવી પાછી આપી નહોતી. દિવાળી હોવાથી મારો પુત્ર ફાર્મહાઉસ પર જવા ઇચ્છતો હતો એટલે મેં વૉચમૅનને ચાવી લેવા માટે ફાર્મહાઉસ પર મોકલ્યો હતો.’

ઝોન બેના ડેપ્યુટી કમિશનર ઑફ પોલીસ પ્રમોદ સાળવેએ કહ્યું હતું કે ‘વૉચમૅન ફાર્મહાઉસ પર પહોંચ્યો ત્યારે તેને ઘરમાંથી બે ડેડબૉડી મળી આવી હતી અને અન્ય બે ડેડબૉડી ઘરની બહારથી મળી આવતાં તેણે તરત પોલીસને જાણ કરી હતી. ઇન્વેસ્ટિગેશનમાં અમને ફાર્મહાઉસમાંથી દારૂની બૉટલો અને ફૂડ-પૅકેટ્સ મળી આવ્યાં હતાં.’

ઇન્વેસ્ટિગેશનમાં જાણવા મળ્યું હતું કે ‘રવિવારે રામદાસ પાટીલે આ ફાર્મહાઉસની સંભાળ રાખતા નોકરોને ૫૦૦ રૂપિયા આપ્યા હતા અને દિવાળીનું વેકેશન મનાવવા બે દિવસની રજા આપી દારૂ અને ફૂડ-પૅકેટ્સ પણ આપ્યાં હતાં.’

રામદાસ ઘરેથી તેની કારમાં ૧૦ લાખ રૂપિયા લઈને નીકળ્યો હતો, પણ હત્યા થયા પછી આ રૂપિયા પણ ગુમ થયા છે એમ જાણવા મળ્યું છે.

ન્યુ પનવેલ પોલીસ-સ્ટેશનના સિનિયર ઇન્સ્પેક્ટર સુનીલ બજારેએ કહ્યું હતું કે ‘અમને લાગે છે કે ચારે જણની હત્યા કરવા માટે જ રિયલ એસ્ટેટની મીટિંગ નક્કી કરવામાં આવી હશે. હાલમાં અમે હત્યાનો કેસ નોંધીને આરોપીઓની શોધ કરી રહ્યા છીએ.’

16 November, 2012 05:39 AM IST |

અન્ય લેખો

મુંબઈ સમાચાર

થાણેની હૉસ્પિટલના સ્ટાફને નોકરીમાંથી કાઢ્યા પછી આંદોલન બાદ પાછો લેવામાં આવ્યો

કોરોનાના કેસ ઓછા થતાં અને તેમની જરૂર ન જણાતાં તેમને શુક્રવારે નોકરી પરથી કાઢી મૂકવામાં આવ્યાં હતાં. તેમણે ગઈ કાલે હૉસ્પિટલની બહાર વિરોધ-પ્રદર્શન કર્યું હતું.

20 June, 2021 03:55 IST | Mumbai | Gujarati Mid-day Correspondent
મુંબઈ સમાચાર

મધ્ય પ્રદેશથી ગન વેચવા આવેલ યુવાન ક્રાઇમ બ્રાન્ચના ઘાટકોપર યુનિટના હાથમાં ઝડપાયો

ક્રાઇમ બ્રાન્ચે આ સંદર્ભે મુલુંડના નવઘર પોલીસ સ્ટેશનમાં ફરિયાદ કરી હતી. આર્મ્સ ઍક્ટ હેઠળ ગુનો નોંધીને કેસની વધુ તપાસ કરવામાં આવી રહી છે. 

20 June, 2021 03:39 IST | Mumbai | Gujarati Mid-day Correspondent
મુંબઈ સમાચાર

શિવસેના-બીજેપીના કાર્યકરો ફરી બાખડ્યા

પેટ્રોલ-પમ્પ પર વૈભવ નાઈક લોકોને પેટ્રોલ ખરીદવા માટે રૂપિયા વહેંચી રહ્યા હતા ત્યારે બીજેપીના કાર્યકરો આવી પહોંચ્યા હતા. તેમણે વિરોધ કરતાં બન્ને પક્ષના કાર્યકરો સૂત્રોચ્ચાર કરીને એકબીજાની સામસામે આવી ગયા હતા.

20 June, 2021 02:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK