° °

આજનું ઇ-પેપર
Wednesday, 08 December, 2021


ફૉર અ ચેન્જ, પોલીસ સમયસર પહોંચી જતાં કાંદિવલીનો જ્વેલર લૂંટાતો બચી ગયો

20 October, 2021 08:39 AM IST | Mumbai | Priti Khuman Thakur

આરોપીઓ ગૅસકટરથી દુકાનનું છાપરું કાપતા હોવાથી એની વાસથી આસપાસના લોકો જાગી ગયા અને પોલીસને બોલાવી લીધી. એક આરોપી પકડાયો, જ્યારે તેનો સાથી ફરાર છે

કાંદિવલી પોલીસની ટીમે પકડી પાડેલો એક ચોર.

કાંદિવલી પોલીસની ટીમે પકડી પાડેલો એક ચોર.

પ્રીતિ ખુમાણ ઠાકુર
priti.khuman@mid-day.com
મુંબઈ : સોમવારે મધરાત બાદ ૨.૨૦ વાગ્યે કાંદિવલી પોલીસને જાણકારી મળી હતી કે કાંદિવલી-વેસ્ટમાં ફાટક રોડ પર આવેલી મોનિકા જ્વેલર્સ નામની શૉપના છાપરાને તોડીને અમુક લોકો ચોરી કરવા ઘૂસ્યા હતા, પરંતુ ગૅસકટરનો ઉપયોગ કરાતો હોવાથી ગૅસની સ્મૅલ આવતાં આસપાસના લોકોએ પોલીસને તાત્કાલિક એ વિશે જાણ કરી હતી. પોલીસને માહિતી મળતાં કાંદિવલી પોલીસની એક ટીમ ઘટનાસ્થળે તરત જ પહોંચી હતી. સમય પર પોલીસ પહોંચી જતાં છાપરું તોડીને દુકાનને લૂંટી રહેલા ચોરોને ચારેય બાજુથી ઘેરી લેવામાં આવ્યા હતા. ત્યાર બાદ પોલીસે ખૂબ ચતુરાઈથી ચોરોનો ફિલ્મી સ્ટાઇલમાં પીછો કરીને પકડી પાડ્યા હતા. 
દુકાનમાં ચોરી કરવા છાપરાથી અંદર ઘૂસેલા ચોરોને બહારથી પોલીસે ઘેરી લીધા હતા. પોલીસ ચોરોને વારંવાર સરેન્ડર કરવાનું કહી રહી હતી, પરંતુ ચોરો ખૂબ ડરી ગયા હોવાથી છુપાઈને બેસી ગયા અને પોલીસની સામે આવવા તૈયાર નહોતા. લાંબા સમય સુધી પોલીસ અને ચોર વચ્ચે વાતચીત થઈ રહી હતી. છતાં ચોર કોઈ વાત સાંભળવા તૈયાર નહોતા. દરમિયાન એક ચોર અચાનક દુકાનના છાપરા પરથી કૂદકો મારીને રસ્તાની બાજુએ ભાગવા લાગ્યો હતો. પોલીસે તેને ઊભા રહેવા કહ્યું, પરંતુ તે સાંભળવા તૈયાર નહોતો. એથી પોલીસની ટીમ ફિલ્મી અંદાજમાં તેને રસ્તા પર દોડીને પકડી પાડવામાં સફળ રહી હતી. જોકે એ દરમિયાન તેનો એક સાથીદાર ફરાર થઈ ગયો હતો. પોલીસે ફિલ્મી-સ્ટાઇલમાં કરેલો પીછો રસ્તા પરના એક સીસીટીવી કૅમેરામાં કેદ થયો છે. 
પોલીસે ૨૪ વર્ષના આરોપી સોનુ જયસ્વાલને પકડી પાડ્યો છે. તેની તપાસ કરતાં આ આરોપી પર મુંબઈનાં વિવિધ પોલીસ સ્ટેશનોમાં અનેક કેસ દાખલ હોવાનું જણાયું હતું. રવિ યાદવ નામનો સાથીદાર આરોપી ફરાર થઈ ગયો હોવાથી કાંદિવલી પોલીસની ટીમ તેને શોધી રહી છે.
કાંદિવલી પોલીસ સ્ટેશનના સિનિયર પોલીસ ઇન્સ્પેક્ટર બાબાસાહેબ સાળુંખેએ ‘મિડ-ડે’ને જણાવ્યું હતું કે ‘ચોરો દુકાનમાં ચોરી કરવા ગૅસકટર, સ્ક્રૂ-ડ્રાઇવર, હથોડો જેવો સામાન સાથે લઈને આવ્યા હતા. ગૅસની સ્મૅલ આવતાં લોકોએ અમને જાણ કરી હતી. બન્ને આરોપીઓ કાંદિવલી-ઈસ્ટની દામોદર વાડીના રહેવાસી છે. એક ચોર ૧૦૦થી ૧૫૦ મીટરની દૂરી સુધી ભાગ્યો હશે ત્યારે તેને પકડી લેવામાં આવ્યો હતો. ભાગી રહેલા એક આરોપીને ભાગતી વખતે પડી જતાં પગમાં માર લાગ્યો હોવાથી તેને પ્લાસ્ટર આવ્યું છે. ચોરી નિષ્ફળ રહી હોવાથી આરોપીને જેલકસ્ટડીમાં મોકલવામાં આવ્યો છે, જ્યારે ફરાર થયેલાની શોધ ચાલી રહી છે.’

20 October, 2021 08:39 AM IST | Mumbai | Priti Khuman Thakur

અન્ય લેખો

મુંબઈ સમાચાર

દેશમુખ કેસ: EDએ મહારાષ્ટ્રના પૂર્વ મુખ્ય સચિવ સીતારામ કુંટેની છ કલાક પૂછપરછ કરે

સેન્ટ્રલ એજન્સીની ઓફિસમાંથી બહાર નીકળતી વખતે કુંટેએ પત્રકારોને જણાવ્યું હતું કે “ઇડીએ મને અનિલ દેશમુખના કેસ અંગે કેટલીક માહિતી મેળવવા માટે બોલાવ્યો હતો. તદનુસાર, મેં તેમને માહિતી આપી છે.”

07 December, 2021 09:02 IST | Mumbai | Gujarati Mid-day Online Correspondent
મુંબઈ સમાચાર

Mumbai: માદક પદાર્થ તસ્કરોએ વ્યક્તિ પર કર્યો હુમલો, બેની ધરપકડ

પીડિત નીલેશ કોંધલકરે સોમવારે વીબી નગર પોલીસ સ્ટેશન સંબંઘે કૉન્સ્ટેબલ સહિત ગ્રુપ વિરુદ્ધ ફરિયાદ નોંધાવી હતી.

07 December, 2021 08:54 IST | Mumbai | Gujarati Mid-day Online Correspondent
મુંબઈ સમાચાર

મુશ્કેલીમાં મલિક:બૉમ્બે HCએ જાહેર કરી નૉટિસ, વાનખેડે પરિવાર સામેના નિવેદનોનો કેસ

મલિક સતત આરોપ મૂકતા રહ્યા કે સમીર વાનખેડે ઇસ્લામ તરીકે જન્મ્યા, પણ તેમણે અનુસૂચિત જાતિના હોવાનો દાદોવ કરતા કેન્દ્ર સરકારની નોકરી મેળવી. તો વાનખેડે મલિકના આ આરોપોનું ખંડન કરી રહ્યા છે.

07 December, 2021 07:33 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK