° °

આજનું ઇ-પેપર
Sunday, 11 April, 2021

તોડી દીવાર, નિકલી બારગર્લ્સ

28 February, 2021 11:14 AM IST | Mumbai | Gujarati Mid-day Correspondent

તોડી દીવાર, નિકલી બારગર્લ્સ

બારમાં છાપો મારી ભોંયરાની દીવાલ તોડીને બારગર્લ્સને બહાર કાઢી હતી

બારમાં છાપો મારી ભોંયરાની દીવાલ તોડીને બારગર્લ્સને બહાર કાઢી હતી

ભાઈંદર (ઈસ્ટ)માં રેલવે-સ્ટેશનની સામે અને ભીડભાડવાળા પરિસરમાં મિડલાઇફ ઑર્કેસ્ટ્રા બિયરબાર પર છાપો મારીને પોલીસે છ બારગર્લ્સ, ૧૩ ગ્રાહક અને ૮ કર્મચારીઓની ધરપકડ કરી હતી. આઘાત લાગે એવી વાત એ છે કે બારગર્લ્સને એક ભોંયરામાં રાખવામાં આવી હતી. ફાયર-બ્રિગેડની મદદથી દીવાલ તોડીને તેમને બહાર કાઢવામાં આવી હતી.

મીરા-ભાઈંદર, વસઈ-વિરારપોલીસ-કમિશનરેટ ઝોન-૧ના ડીસીપી અમિત કાળેના માર્ગદર્શન હેઠળ નવઘર પોલીસ દ્વારા આ કાર્યવાહી શુક્રવારે રાતે કરવામાં આવી હતી. પોલીસને સ્થાનિક રહેવાસીઓ દ્વારા ફરિયાદ મળી હતી કે કોવિડ-19 અને અન્ય સરકારી નિયમોનું ઉલ્લંઘન કરીને મોડી રાત સુધી બિયરબાર ચાલુ રાખવામાં આવે છે. જોકે બારમાં ફક્ત ગીતો જ વાગતાં નહોતાં, પણ લાઉડ-સ્પીકરના ફુલ વૉલ્યુમ પર બારગર્લ્સ અશ્લીલ હરકતો પણ કરતી હતી.

બિયરબારમાં અશ્લીલતા તો થતી જ હતી, પરંતુ બારગર્લ્સને છુપાવવા માટે ગુપ્ત ભોંયરું પણ બનાવવામાં આવ્યું હતું. પોલીસે છાપો માર્યો એ દરમિયાનઆ ગુપ્ત ભોંયરું મળી આવ્યું હતું.

મીરા-ભાઈંદર મહાનગરપાલિકાના ફાયર-બ્રિગેડ વિભાગના કર્મચારીઓએ ભોંયરાની દીવાલ તોડી તો ત્યાંથી છ બારગર્લ મળી આવી હતી. પોલીસે આ બધાની સામે આઇપીસીની વિવિધ કલમો હેઠળ ગુનો દાખલ કર્યો છે.

એમબીવીવી પોલીસ કમિશનરેટ ડીસીપી ઝોન-૧ અમિત કાલેએ જણાવ્યું હતું કે ‘મોડે સુધી ચાલતા બિયરબારે કોવિડ-19ના અને રાજ્ય સરકાર દ્વારા જાહેર કરેલા નિદેર્શોનું તેમ જ હોટેલ અને રેસ્ટોરાંએ પણ નિયમોનું પાલન કરવું અનિવાર્ય છે. એમ ન કરતાં તેમની વિરુદ્ધ કડક કાર્યવાહી કરવામાં આવશે અને જરૂર પડી તો તેમનાં લાઇસન્સ પણ રદ કરી દેવામાં આવશે.’

28 February, 2021 11:14 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

આંખ મારવી અને ફ્લાઇંગ કિસનો ઇશારો પણ યૌન ઉત્પીડન, આરોપીને આપી 13 મહિના કેદની સજા

મુંબઇની પૉક્સો કૉર્ટે સગીરને આંખ મારવા અને ફ્લાઇંગ કિસનો ઇશારો કરનારને દોષી માનીને 13 મહિનાની જેલની સજા સંભળાવી. 20 વર્ષના યુવક વિરુદ્ધ 14 વર્ષની સગીરે ફરિયાદ નોંધાવી હતી.

11 April, 2021 04:02 IST | Mumbai | Gujarati Mid-day Online Correspondent
મુંબઈ સમાચાર

`દિલ્હીથી લેક્ચર ન આપે જાવડેકર`, મહારાષ્ટ્રમાં લૉકડાઉનના સમર્થનમાં સંજય રાઉત

રાઉતે કહ્યું, "દેશને લૉકડાઉનની જરૂર છે કે નહીં, તે ફક્ત વડાપ્રધાન નક્કી કરી શકે છે પણ મને લાગે છે કે પશ્ચિમ બંગાળની ચૂંટણી રેલીના કાર્યક્રમ બાદ કેન્દ્ર આ નિર્ણય લેશે." તેમણે જણાવ્યું કે રાજ્ય વેક્સીનની અછતનો સામનો કરી રહ્યું છે.

11 April, 2021 03:46 IST | Mumbai | Gujarati Mid-day Online Correspondent
મુંબઈ સમાચાર

નેટ બોલર તરીકે પસંદગીના નામે હરિયાણાના યુવાન સાથે મુંબઈમાં ૫૦,૦૦૦ની છેતરપિંડી

ક્રિકેટમાં કારકિર્દી બનાવવાની તક મળતી હોવાથી આશિષનો પરિવાર નાણાં ખર્ચવા તૈયાર થયો હતો

11 April, 2021 10:45 IST | Mumbai | Mehul Jethva

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK