Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > સબર્બ્સ કરતાં તળ મુંબઈમાં પડ્યો વધારે વરસાદ

સબર્બ્સ કરતાં તળ મુંબઈમાં પડ્યો વધારે વરસાદ

11 June, 2024 12:37 PM IST | Mumbai
Gujarati Mid-day Correspondent | feedbackgmd@mid-day.com

પરાંમાં ત્રણ ઇંચની સરખામણીએ શહેરમાં ચાર ઇંચ મેઘરાજા વરસ્યાઃ આજે પણ જોરદાર ઝાપટાંની આગાહી

વરસાદી માહોલ

વરસાદી માહોલ


મુંબઈમાં ગઈ કાલે આખો દિવસ વાદળો છવાયેલાં રહ્યાં હતાં, પણ મોસમનો મિજાજ સાંજ પછી બદલાયો હતો અને મુંબઈ સહિત મુંબઈ મેટ્રોપૉલિટન રીજન (MMR)માં વરસાદનાં જોરદાર ઝાપટાં પડ્યાં હતાં. ઑફિસથી ઘરે જવા નીકળેલા મુંબઈગરાઓએ હાડમારી ભોગવવી પડી હતી. બૃહન્મુંબઈ મ્યુનિસિપલ કૉર્પોરેશન (BMC)ના જણાવ્યા અનુસાર ગઈ કાલે સિટીમાં ૯૯.૧૧ મિલીમીટર (MM), ઈસ્ટર્ન સબર્બ્સમાં ૬૧.૨૯ MM અને વેસ્ટર્ન સબર્બ્સમાં ૭૩.૭૮ MM વરસાદ પડ્યો હતો. ભારે વરસાદને કારણે નીચાણવાળા વિસ્તારોમાં પાણી ભરાયાં હતાં. હવામાન વિભાગ દ્વારા આજે પણ પાલઘર, થાણે, મુંબઈ, રાયગઢ સહિત રાજ્યના ઘણા જિલ્લામાં યલો અલર્ટ જાહેર કરાયું છે, જ્યારે રત્નાગિરિ અને સિંધુદુર્ગમાં ઑરેન્જ અલર્ટ જાહેર કરાયું છે.

હવામાન વિભાગના જણાવ્યા અનુસાર મહારાષ્ટ્રમાં મૉન્સૂન હવે આગ‍ળ વધી રહ્યું છે અને ગઈ કાલે એ દહાણુ, નાશિક અને સંભાજીનગર સુધી પહોંચી ગયું હતું. આજે પણ મુંબઈ સહિત મોટા ભાગના કોંકણ વિસ્તારમાં ગાજવીજ સાથે મૉન્સૂન સક્રિ​ય રહેશે.



‍BMCના જણાવ્યા અનુસાર રવિવાર રાતે ૮ વાગ્યાથી મધરાત ૧ વાગ્યા સુધી જોરદાર વરસાદ પડતાં નીચાણવાળા વિસ્તારોમાં પાણી ભરાઈ ગયાં હતાં. ફાયર-બ્રિગેડને શૉર્ટ સર્કિટની ૩૬ ફરિયાદો મળી હતી તેમ જ ૫૭ જગ્યાએ ઝાડ અને ડાળીઓ તૂટી પડવાની ફરિયાદો મળી હતી. એ ઉપરાંત ભારે વરસાદને કારણે સિટીમાં બે, ઇસ્ટર્ન સબર્બ્સમાં બે અને વેસ્ટર્ન સબર્બ્સમાં બે ઘર તૂટી પડવાની અથવા દીવાલ પડવાની ઘટનાઓ નોંધાઈ હતી. 


Whatsapp-channel Whatsapp-channel

11 June, 2024 12:37 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK