માર્કેટમાં હજી પણ ૮,૪૭૦ કરોડ રૂપિયાની બે હજારની ચલણી નોટ છે

આરબીઆઇ​એ ૨૦૨૩ની ૧૯મી મેએ ૨૦૦૦ રૂપિયાની નોટ ચલણમાંથી પાછી ખેંચવાની જાહેરાત કરી હતી

પ્રતીકાત્મક તસવીર

બૅ​ન્કિંગ-સિસ્ટમમાં ૨૦૦૦ રૂપિયાની ૯૭.૬૨ ટકા નોટ પાછી ફરી છે અને પાછી ખેંચાયેલી આ નોટ પૈકી ૮,૪૭૦ કરોડ રૂપિયાની નોટ લોકો પાસે છે, એમ રિઝર્વ બૅન્ક ઑફ ઇ​ન્ડિયા (આરબીઆઇ)એ શુક્રવારે જણાવ્યું હતું.

આરબીઆઇ​એ ૨૦૨૩ની ૧૯મી મેએ ૨૦૦૦ રૂપિયાની નોટ ચલણમાંથી પાછી ખેંચવાની જાહેરાત કરી હતી. એ પાછી ખેંચવામાં આવી ત્યારે ૩.૫૦ લાખ કરોડ રૂપિયાની ૨૦૦૦ની નોટો ચલણમાં હતી. જોકે આ વર્ષની ૨૯મી ફેબ્રુઆરીએ પણ એમાંથી ૮,૪૭૦ કરોડ રૂપિયાની ૨૦૦૦ રૂપિયાની નોટ પાછી નથી આવી.

ADVERTISEMENT

૨૦૦૦ રૂપિયાની નોટ કાયદેસર માન્ય છે. દેશમાં આરબીઆઇની ૧૯ ઑ​ફિસોના લોકો આ નોટ બૅન્કમાં જમા કરી શકે અથવા તો એક્સચેન્જ કરી શકે છે.