Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > મુંબઈ સમાચાર > આર્ટિકલ્સ > દાદરના સ્વિમિંગ-પૂલમાં મગરનું બચ્ચું આવ્યું ક્યાંથી?

દાદરના સ્વિમિંગ-પૂલમાં મગરનું બચ્ચું આવ્યું ક્યાંથી?

04 October, 2023 07:42 AM IST | Mumbai
Gujarati Mid-day Correspondent | feedbackgmd@mid-day.com

દાદરના શિવાજી પાર્કમાં આવેલા બીએમસીના સ્વિમિંગ-પૂલમાં ગઈ કાલે વહેલી સવારે ૫.૩૦ વાગ્યે બે ફુટનું મગરનું બચ્ચું તરતું દેખાયું હતું. આ બાબતે તરત જ વન ખાતાને જાણ કરાઈ હતી.

ગઈ કાલે દાદરમાં મગરના બચ્ચા સાથે વનવિભાગના અધિકારીઓ.  આશિષ રાજે

ગઈ કાલે દાદરમાં મગરના બચ્ચા સાથે વનવિભાગના અધિકારીઓ. આશિષ રાજે



મુંબઈ : દાદરના શિવાજી પાર્કમાં આવેલા બીએમસીના સ્વિમિંગ-પૂલમાં ગઈ કાલે વહેલી સવારે ૫.૩૦ વાગ્યે બે ફુટનું મગરનું બચ્ચું તરતું દેખાયું હતું. આ બાબતે તરત જ વન ખાતાને જાણ કરાઈ હતી. મગરના એ બચ્ચાને બીએમસીના એક્સપર્ટ કર્મચારીઓએ રેસ્ક્યુ કરીને વન ખાતાને સોંપ્યું હતું. જોકે એ મગરનું બચ્ચું સ્વિ​મિંગ-પૂલમાં આવ્યું કઈ રીતે એ બાબતે કોઈ ચોક્કસ માહિતી મળી શકી નહોતી.  
સ્વિમિંગ-પૂલના કો-ઑર્ડિનેટર સંદીપ વૈશમ્પાયને આ બાબતે કહ્યું હતું કે ‘રોજ સવારે લોકો માટે પૂલ ખુલ્લો મૂકતાં પહેલાં કર્મચારીઓ દ્વારા એની સફાઈ કરવામાં આવે છે અને એની ચકાસણી કરાય છે. ગઈ કાલે સવારે એ ચકાસણી દરમ્યાન મગરનું એક બચ્ચું પૂલમાં તરતું દેખાયું હતું. એથી તરત જ એ માટે પ્રાણીઓને રેસ્ક્યુ કરતા એક્સપર્ટ્સને એની જાણ કરવામાં આવી હતી. તેમણે આવીને એ બચ્ચાને સહીસલામત બહાર કાઢ્યું હતું અને ત્યાર બાદ એની સોંપણી વન ખાતાને કરી હતી. મગરનું બચ્ચું આ ​સ્વિ​મિંગ-પૂલમાં કઈ રીતે આવ્યું એની અમે તપાસ કરી રહ્યા છીએ.’
અત્યારે તો આ મગરને લઈને આરોપ-પ્રત્યારોપ શરૂ થઈ ગયા છે. અમુક લોકોએ એવો આક્ષેપ કર્યો છે કે ગયા વર્ષે સ્વિમિંગ પૂલની પાછળ આવેલી જગ્યામાં શરૂ કરવામાં આવેલા પ્રાણી સંગ્રહાલયમાંથી આ મગર આવી ગયો હોવો જોઈએ. જોકે આ આક્ષેપોનો ઇન્કાર કરતા પ્રાણી સંગ્રહાલયનું કહેવું છે કે અમને હેરાન કરવાના ઇરાદે અમારા જ હિતશત્રુએ સ્વિમિંગ પૂલમાં મગર છોડ્યો હોવો જોઈએ. મહારાષ્ટ્ર નવનિર્માણ સેના પણ આ વિવાદમાં કૂદી પડ્યું છે અને ગઈ કાલે સવારે એના નેતા સંદીપ દેશપાંડે ત્યાં પહોંચી ગયા હતા અને તેમણે આ બાબતે પોલીસને ડીટેલમાં તપાસ કરવા જણાવ્યું હતું.


Whatsapp-channel Whatsapp-channel

04 October, 2023 07:42 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK