° °

આજનું ઇ-પેપર
Monday, 06 February, 2023


મુંબઈ એરપોર્ટ પરથી 2.5 કરોડની કિંમતનું 4712 ગ્રામ સોનું ઝડપાયું, 3 આરોપીઓની ધરપકડ

05 December, 2022 09:56 AM IST | Mumbai
Gujarati Mid-day Online Correspondent | gmddigital@mid-day.com

સર્ચ દરમિયાન સ્પેશિયલ ડિઝાઈન કરેલા અંડરગારમેન્ટમાં છુપાવેલું સોનું મળ્યું

પ્રતીકાત્મક તસવીર

પ્રતીકાત્મક તસવીર

કસ્ટમ વિભાગે મુંબઈના છત્રપતિ શિવાજી મહારાજ ઈન્ટરનેશનલ એરપોર્ટ (Chhatrapati Shivaji Maharaj International Airport) પરથી 4712 ગ્રામ સોનું જપ્ત કર્યું છે. સોનાની ગેરકાયદે હેરફેર માટે 3 લોકોની ધરપકડ કરવામાં આવી છે. જપ્ત કરાયેલા સોનાની કિંમત અંદાજે 2.5 કરોડ રૂપિયા છે. અધિકારીઓએ આ અંગે માહિતી આપી હતી.

અધિકારીઓએ જણાવ્યું કે, બે અલગ-અલગ કેસમાં કુલ 4712 ગ્રામ સોનું જપ્ત કરવામાં આવ્યું છે. સર્ચ દરમિયાન સ્પેશિયલ ડિઝાઈન કરેલા અંડરગારમેન્ટમાં છુપાવેલું 1872 ગ્રામ સોનું અને ફ્લાઈટના ટોઈલેટમાં છુપાવેલું 2840 ગ્રામ સોનું મળી આવ્યું હતું. સોનાની દાણચોરીના આ બે કેસમાં કુલ 3 આરોપીઓની ધરપકડ કરવામાં આવી છે અને વધુ તપાસ ચાલી રહી છે.

અન્ડરગાર્મેન્ટ્સમાં સંતાડીને સોનાની દાણચોરી

અધિકારીઓએ જણાવ્યું કે તેમને ગુપ્ત માહિતી મળી હતી કે કેટલાક લોકો એરપોર્ટ પરથી ગેરકાયદેસર રીતે સોનાની દાણચોરી કરવા જઈ રહ્યા છે. માહિતી મળ્યા બાદ અધિકારીઓએ તસ્કરોને પકડવા માટે વિશેષ સર્ચ ઓપરેશન શરૂ કર્યું હતું. આ દરમિયાન તેને કેટલાક લોકો પર શંકા ગઈ. આ લોકો પાસેથી તલાશી લેતા ગેરકાયદે સોનું મળી આવ્યું હતું. અધિકારીઓએ જણાવ્યું કે ધરપકડ કરાયેલા આરોપીઓએ ચતુરાઈથી સોનાની દાણચોરી કરવાની યોજના બનાવી હતી. આ પૈકીના એક કેસમાં આરોપીઓએ સોનાની ગેરકાયદેસર દાણચોરી માટે અંડરગાર્મેન્ટ્સ ખાસ ડિઝાઈન કર્યા હતા. તલાશી દરમિયાન આરોપીના આંતરવસ્ત્રોમાંથી 1872 ગ્રામ સોનું મળી આવ્યું હતું.

ફ્લાઈટના ટોઈલેટમાંથી સોનું મળ્યું

આ સિવાય અન્ય એક કેસમાં એક વ્યક્તિ ફ્લાઈટના ટોઈલેટમાં 2840 ગ્રામ સોનું છુપાવવાનો પ્રયાસ કરી રહ્યો હતો. સર્ચ ઓપરેશન દરમિયાન અધિકારીઓએ ફ્લાઈટના ટોઈલેટમાંથી સોનું કબજે કર્યું હતું. સોનાની દાણચોરીના આ બંને કેસમાં કસ્ટમ વિભાગે કુલ ત્રણ લોકોની અટકાયત કરી છે. પકડાયેલા લોકોની પૂછપરછ કરીને વધુ તપાસ હાથ ધરી છે. તે જ સમયે, પોલીસે આ આરોપીઓ વિરુદ્ધ વિવિધ કલમો હેઠળ કેસ નોંધ્યો છે.

આ પણ વાંચો: જર્મનીના વિદેશપ્રધાન સામે અરિહાના મુદ્દે ચર્ચા થશે?

નોંધનીય છે કે ગયા મહિને મુંબઈ એરપોર્ટ પર કસ્ટમ વિભાગે એક જ દિવસમાં 61 કિલો સોનું જપ્ત કર્યું હતું, જેની બજાર કિંમત 32 કરોડ રૂપિયા હોવાનું કહેવાય છે. કસ્ટમ વિભાગે 11 નવેમ્બરે બે અલગ-અલગ કેસમાં બે મહિલાઓ સહિત સાત લોકોની ધરપકડ કરી હતી. મુંબઈ એરપોર્ટ કસ્ટમ્સના ઈતિહાસમાં એક જ દિવસમાં આ સૌથી મોટી જપ્તી છે.

05 December, 2022 09:56 AM IST | Mumbai | Gujarati Mid-day Online Correspondent

અન્ય લેખો

મુંબઈ સમાચાર

ફ્લાઇટમાં નશામાં ધુત ઇટલીની મહિલાએ બિઝનેસ ક્લાસમાં બેસવા ક્રૂ મેમ્બરને માર્યો

ફ્લાઇટ મુંબઈ ઍરપોર્ટ પર પહોંચ્યા બાદ ૪૫ વર્ષની ઇટાલિયન મહિલા સામે ફરિયાદ નોંધાવાતાં પોલીસે તેની ધરપકડ કરી

01 February, 2023 08:10 IST | Mumbai | Gujarati Mid-day Correspondent
મુંબઈ સમાચાર

ફ્લાઇટમાં વધુ એક હંગામો : મહિલા પ્રવાસીએ અચાનક ઉતાર્યા કપડાં, પછી…

વિસ્તારાની ફ્લાઇટમાં ઇટાલીની મહિલાએ ક્રૂ મેમ્બરને માર્યા મુક્કા, પોલીસે કરી ધરપકડ

31 January, 2023 01:00 IST | Mumbai | Gujarati Mid-day Online Correspondent
મુંબઈ સમાચાર

હિન્દુ હિત મેં રાજ કરેગા, વોહી દેશ પે રાજ કરેગા

‘ગર્વ સે કહો હમ હિન્દુ હૈ’ ના ગગનભેદી નારા સાથે લવ જેહાદ, ધર્માંતરણ અને લૅન્ડ જેહાદના વિરોધમાં સકલ હિન્દુ સમાજનો જનઆક્રોશ મોરચો નીકળ્યો

30 January, 2023 07:22 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK