Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ઈન્ટરનેશનલ સમાચાર > આર્ટિકલ્સ > ઉઝબેકિસ્તાનમાં બાળકોનાં મોત બાદ ડબ્લ્યુએચઓએ બે ઇન્ડિયન સિરપને ઊતરતી કક્ષાનાં ગણાવ્યાં

ઉઝબેકિસ્તાનમાં બાળકોનાં મોત બાદ ડબ્લ્યુએચઓએ બે ઇન્ડિયન સિરપને ઊતરતી કક્ષાનાં ગણાવ્યાં

13 January, 2023 11:10 AM IST | Geneva
Gujarati Mid-day Correspondent | feedbackgmd@mid-day.com

ઉઝબેકિસ્તાને આરોપ મૂક્યો હતો કે મૅરિયન બાયોટેક કંપની દ્વારા ઉત્પાદિત કફ-સિરપ પીવાના કારણે લગભગ ૧૮ બાળકો મૃત્યુ પામ્યાં હતાં

વર્લ્ડ હેલ્થ ઑર્ગેનાઇઝેશન ફાઇલ તસવીર

વર્લ્ડ હેલ્થ ઑર્ગેનાઇઝેશન ફાઇલ તસવીર


જિનીવા : વર્લ્ડ હેલ્થ ઑર્ગેનાઇઝેશન (ડબ્લ્યુએચઓ)એ ભલામણ કરી છે કે નોએડામાં આવેલી કંપની મૅરિયન બાયોટેક દ્વારા ઉત્પાદિત બે કફ -સિરપનો ઉઝબેકિસ્તાનમાં બાળકો માટે ઉપયોગ ન કરવો જોઈએ. નોંધપાત્ર છે કે બાવીસમી ડિસેમ્બરે ઉઝબેકિસ્તાને આરોપ મૂક્યો હતો કે મૅરિયન બાયોટેક કંપની દ્વારા ઉત્પાદિત કફ-સિરપ્સ પીવાથી લગભગ ૧૮ બાળકો મૃત્યુ પામ્યાં હતાં. 

હવે ડબ્લ્યુએચઓએ એક મેડિકલ પ્રોડક્ટ અલર્ટમાં જણાવ્યું હતું કે મૅરિયન બાયોટેક દ્વારા ઉત્પાદિત મેડિકલ પ્રોડક્ટ્સ ઊતરતી કક્ષાની છે. આ પ્રોડક્ટ્સ ક્વૉલિટીના સ્ટાન્ડર્ડ્સમાં ખરી ઊતરી નથી. 



આ પણ વાંચો : ઉઝબેકિસ્તાનમાં બાળકોનાં મૃત્યુની ભારતમાં તપાસ શરૂ


ડબ્લ્યુએચઓએ એની વેબસાઇટ પર જણાવ્યું છે કે ‘ઉઝબેકિસ્તાન દ્વારા બે ઊતરતી કક્ષાની પ્રોડક્ટ્સ વિશે બાવીસમી ડિસેમ્બર ૨૦૨૨ના રોજ જણાવવામાં આવ્યું હતું. આ બે પ્રોડક્ટ્સ એમ્બ્રોનોલ સિરપ તેમ જ ડોક-1 મેક્સ સિરપ છે. આ બન્ને પ્રોડક્ટ્સના ઉત્પાદક મૅરિયન બાયોટેક પ્રાઇવેટ લિમિટેડ છે. આજની તારીખ સુધીમાં આ ઉત્પાદકે આ પ્રોડક્ટ્સની સેફ્ટી અને ક્વૉલિટીને લઈને ડબ્લ્યુએચઓને કોઈ ગૅરન્ટી પૂરી પાડી નથી.’

મૅરિયન બાયોટેકનું કફ-સિરપ પીવાને કારણે ઉઝબેકિસ્તાનમાં કેટલાંક બાળકોનાં મોત થયાં હોવાનું બહાર આવ્યા બાદ આ કંપની પર સંકટનાં વાદળો છવાયાં હતાં. 


ડબ્લ્યુએચઓ અનુસાર રિપબ્લિક ઑફ ઉઝબેકિસ્તાનના આરોગ્ય મંત્રાલયની નૅશનલ ક્વૉલિટી કન્ટ્રોલ લૅબોરેટરીઝ દ્વારા કરવામાં આવેલા કફ-સિરપનાં સૅમ્પલ્સના લૅબોરેટરી ઍનૅલિસિસમાં જોવા મળ્યું હતું કે આ બન્ને પ્રોડક્ટ્સમાં ડાયથિલિન ગ્લાયકોલ અસ્વીકાર્ય પ્રમાણમાં હતું. ડબ્લ્યુએચઓની અલર્ટમાં વધુમાં જણાવવામાં આવ્યું હતું કે આ બન્ને પ્રોડક્ટ્સનું અન્ય દેશોમાં પણ વેચાણ થયું હોઈ શકે છે. 

Whatsapp-channel Whatsapp-channel

13 January, 2023 11:10 AM IST | Geneva | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK