° °

આજનું ઇ-પેપર
Sunday, 05 February, 2023


‘અવકાશમાં ફસાયો છું, પૃથ્વી પર આવીને લગ્ન કરીશ’ આવું કહી ઠગે મહિલા પાસેથી પડાવ્યા 25 લાખ

12 October, 2022 07:50 PM IST | Tokyo
Gujarati Mid-day Online Correspondent | gmddigital@mid-day.com

જાપાનના શિગા પ્રાંતમાં રહેતી 65 વર્ષીય મહિલાનો ઇન્સ્ટાગ્રામ પર એક વ્યક્તિ સાથે પરિચય થયો હતો

પ્રતીકાત્મક તસવીર. તસવીર/આઈસ્ટોક

પ્રતીકાત્મક તસવીર. તસવીર/આઈસ્ટોક

કહેવાય છે કે પ્રેમ આંધળો હોય છે, પરંતુ ઘણીવાર પ્રેમમાં લોકો અંધ બની જતાં હોય છે. જો કોઈ વ્યક્તિ પ્રેમમાં પડે છે તો તે સામી વ્યક્તિ પર શંકા કરવાનું પણ વિચારતી નથી, પરંતુ જો તમે જેના પ્રેમમાં પડો છો તે વ્યક્તિ ઠગ નીકળે તો? તો પછી વિચારો કે આંધળી રીતે કરેલા આ પ્રેમની કિંમત કેટલી મોટી હશે. આવું જ કંઈક જાપાનમાં એક મહિલા સાથે બન્યું છે. એક શખસે આ મહિલા સાથે 25 લાખની છેતરપિંડી કરી છે. વ્યક્તિએ દાવો કર્યો કે તે રશિયન અવકાશયાત્રી છે અને પૃથ્વી પર પહોંચવા માટે તેને પૈસાની જરૂર છે, પછી તે લગ્ન કરશે.

જાપાનના શિગા પ્રાંતમાં રહેતી 65 વર્ષીય મહિલાનો ઇન્સ્ટાગ્રામ પર એક વ્યક્તિ સાથે પરિચય થયો હતો. વ્યક્તિની પ્રોફાઇલ અને અન્ય ફોટા પરથી તે અવકાશયાત્રી હોવાનું જણાયું હતું, જે બાદ મહિલાને તે વ્યક્તિ સાથે પ્રેમ થઈ ગયો. ઠગે આનો ફાયદો ઉઠાવીને મહિલા સાથે ચેટિંગ શરૂ કરી હતી. તેણે દાવો કર્યો કે તે રશિયન અવકાશયાત્રી છે અને પૃથ્વી રહેતો નથી.

થોડા દિવસો પછી, આ વ્યક્તિએ મહિલાને કહ્યું કે તે તેને પ્રેમ કરે છે અને જાપાન આવીને તેની સાથે લગ્ન કરવા માગે છે, પરંતુ આમાં એક સમસ્યા છે. તેણે મહિલાને કહ્યું કે તે અંતરિક્ષમાં ફસાઈ ગયો છે. લગ્ન કરવા હોય તો તેણે ધરતી પર આવવું પડશે. તેણે લાલચ આપી કે “હું જાપાન આવીશ અને તારી સાથે લગ્ન કરીશ, પરંતુ પૃથ્વી પર આવવા માટે રોકેટ લેન્ડિંગની ચૂકવણી પૈસા નથી.” આમ ઠગે મહિલાને જાળમાં ફસાવી લીધી.

પ્રેમના નામે 25 લાખની છેતરપિંડી

અવકાશમાંથી પૃથ્વી પર આવવા માટે પૈસાની જરૂર છે તેમ કહીને ઠગ મહિલાના એક-બે નહીં પણ 25 લાખ રૂપિયા લૂંટી લીધા. પોતાની સાથે છેતરપિંડી થઈ હોવાનો અહેસાસ થતાં મહિલાએ પોલીસમાં ફરિયાદ નોંધાવી હતી. હવે જાપાનની પોલીસ આ `રોમાન્સ સ્કેમ`ની તપાસ કરી રહી છે.

12 October, 2022 07:50 PM IST | Tokyo | Gujarati Mid-day Online Correspondent

અન્ય લેખો

ઈન્ટરનેશનલ સમાચાર

આહોહોહો… અમેરિકામાં તાપમાન -૪૬ ડિગ્રી સેલ્સિયસ સુધી પહોંચ્યું

વેધર સર્વિસ ફોરકાસ્ટર બોબ ઓરવેકે જણાવી હવામાનની સ્થિતિ

04 February, 2023 06:11 IST | New Hampshire | Gujarati Mid-day Online Correspondent
ઈન્ટરનેશનલ સમાચાર

ડૉક્યુમેન્ટરી વિવાદમાં યુકેએ કર્યો બીબીસીની સ્વતંત્રતાનો બચાવ

બ્રિટનના વડા પ્રધાનના પ્રવક્તાએ કહ્યું કે અમે ભારતને એક મહત્ત્વનો ભાગીદાર ગણીએ છીએ તેમ જ વધુ રોકાણ દ્વારા આ સંબંધને વધુ મજબૂત બનાવીશું

03 February, 2023 11:29 IST | London | Gujarati Mid-day Correspondent
ઈન્ટરનેશનલ સમાચાર

ઑસ્ટ્રેલિયામાં પણ ગુલામીની માનસિકતાનાં નિશાનને દૂર કરવામાં આવી રહ્યાં છે

આ દેશની સેન્ટ્રલ બૅન્કે ગઈ કાલે જણાવ્યું હતું કે એની નવી પાંચ ઑસ્ટ્રેલિયન ડૉલરની નોટ પર કિંગ ચાર્લ્સ તૃતીયની ઇમેજના બદલે સ્વદેશી ડિઝાઇન રહેશે

03 February, 2023 10:48 IST | Canberra | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK