Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > ઈન્ટરનેશનલ સમાચાર > આર્ટિકલ્સ > હેલો ફ્રૉમ ધ મેલોદી ટીમ

હેલો ફ્રૉમ ધ મેલોદી ટીમ

16 June, 2024 07:10 AM IST | Washington
Gujarati Mid-day Correspondent | feedbackgmd@mid-day.com

ઇટલીનાં વડાં પ્રધાન જ્યૉર્જિયા મેલોનીએ લીધેલો નરેન્દ્ર મોદી સાથેનો સેલ્ફી-વિડિયો જબરો વાઇરલ થયો: ભારતના વડા પ્રધાને કહ્યું, ઇટલી સાથેની મિત્રતા હંમેશાં બની રહે

વિડિયો-સેલ્ફી

વિડિયો-સેલ્ફી


ઇટલીનાં વડાં પ્રધાન જ્યૉર્જિયા મેલોનીએ ભારતના વડા પ્રધાન નરેન્દ્ર મોદી સાથે લીધેલો વિડિયો-સેલ્ફી શૅર કર્યાના થોડા કલાક બાદ મોદીએ ભારત-ઇટલીની મિત્રતાનાં વખાણ કર્યાં હતાં. મેલોની શૅર કરેલો સેલ્ફી-વિડિયો ગણતરીની ક્ષણોમાં જબરદસ્ત વાઇરલ થઈ ગયો હતો. ઇટલીના અપુલિયાના એક લક્ઝુરિયસ રિસૉર્ટમાં G7 શિખર સંમેલન યોજાયું હતું જેમાં મેલોની અને મોદીએ દ્વિપક્ષી ચર્ચા કરી હતી.


વડા પ્રધાન મોદી સાથે લીધેલો એક વિડિયો જ્યૉર્જિયા મેલોનીએ અગાઉ ટ્‍વિટર તરીકે ઓળખાતા સોશ્યલ મીડિયા પોર્ટલ ઍક્સ પર શૅર કર્યો હતો. આ વિડિયોમાં સ્માઇલિંગ મેલોની ‘હેલો ફ્રૉમ ધ મેલોદી ટીમ’ કહેતાં સંભળાય છે અને મોદી પાછળ મૃદુ હાસ્ય કરતા દેખાય છે.



ઉલ્લેખનીય છે કે ગયા વર્ષે સપ્ટેમ્બર મહિનામાં ઇટલીનાં વડાં પ્રધાન જ્યૉર્જિયા મેલોની ભારત આવ્યાં હતાં ત્યારે તેમણે મોદી સાથે લીધેલા સેલ્ફીને શૅર કરતાં  મેલોની અને મોદીના કૉમ્બિનેશન સમો શબ્દ ‘મેલોદી’ હૅશટૅગ તરીકે વાપર્યો હતો અને ત્યારથી એ ચર્ચામાં છે. આ વખતે ફરીથી ઇટલીનાં વડાં પ્રધાને આ હૅશટૅગ સાથે વિડિયો શૅર કર્યો છે. આ વિડિયોને બેઉ દેશોના રાષ્ટ્રધ્વજ સાથે ઍક્સ પર ફરીથી શૅર કરતાં વડા પ્રધાન મોદીએ લખ્યું હતું કે ‘ભારત-ઇટલીની મિત્રતા હંમેશાં કાયમ રહે.’


સતત ત્રીજી વાર સત્તા સંભાળ્યા બાદ વડા પ્રધાન મોદીની આ પહેલી વિદેશ-મુલાકાત છે જ્યાં તેઓએ સતત પાંચમી વાર G7 શિખર સંમેલનમાં હાજરી આપી હતી. મેલોનીએ મોદીને સતત ત્રીજી વાર વડા પ્રધાનપદે ચૂંટાઈ આવવા બદલ અભિનંદન આપ્યાં હતાં. મોદીએ પણ શિખર સંમેલનમાં આમંત્રણ માટે મેલોનીનો આભાર માન્યો હતો અને આ ઇવેન્ટના સફળતાપૂર્વકના આયોજન બદલ અભિનંદન આપ્યાં હતાં.


Whatsapp-channel Whatsapp-channel

16 June, 2024 07:10 AM IST | Washington | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK