° °

આજનું ઇ-પેપર
Saturday, 03 December, 2022


ઈન્ડોનેશિયામાં 5.6ની તીવ્રતાનો ભૂકંપના: 20નાં મોત, 300થી વધુ લોકો ઘાયલ

21 November, 2022 03:03 PM IST | Jakarta
Gujarati Mid-day Online Correspondent | gmddigital@mid-day.com

જકાર્તામાં આ ભૂકંપ આવ્યો ત્યારે ઘણા લોકો તેમની ઑફિસમાં કામ કરી રહ્યા હતા

પ્રતીકાત્મક તસવીર

પ્રતીકાત્મક તસવીર

ઈન્ડોનેશિયા (Indonesia)માં ફરીવાર ભૂકંપ (Earthquake)ના આંચકાથી સમગ્ર દેશમાં ખળભળાટ મચી ગયો છે. સોમવારે અહીં ભૂકંપના જોરદાર આંચકા અનુભવાયા હતા. આ ભૂકંપની તીવ્રતા રિક્ટર સ્કેલ પર 5.6ની તીવ્રતા માપવામાં આવી છે. આ જોરદાર આંચકા કેટલીક સેકન્ડો સુધી અનુભવાયા હતા. મળતી માહિતી મુજબ, આ ભૂકંપનું કેન્દ્ર પશ્ચિમ જાવાના સિયાનુજરમાં જમીનથી લગભગ 10 કિલોમીટર દૂર હતું.

હવામાન અને ભૂ-ભૌતિક એજન્સીએ કહ્યું કે હાલમાં સુનામીનો કોઈ ખતરો નથી. ભૂકંપ એટલો ગંભીર હતો કે તેમાં અત્યાર સુધીમાં લગભગ 20 લોકોનાં મોત થયા છે. એક અધિકારીએ આ વાતની પુષ્ટિ કરી છે. આ સિવાય 300થી વધુ લોકો ઘાયલ છે, જેમની સારવાર ચાલી રહી છે.

રોઇટર્સના સમાચાર અનુસાર, જ્યારે જકાર્તામાં આ ભૂકંપ આવ્યો ત્યારે ઘણા લોકો તેમની ઑફિસમાં કામ કરી રહ્યા હતા. ભૂકંપના આંચકા એટલા જોરદાર હતા કે ઘણી ઇમારતો ધ્રૂજવા લાગી, જેના કારણે અરાજકતાનો માહોલ સર્જાયો હતો. ભૂકંપના કારણે ઈમારતોમાં રાખવામાં આવેલ ફર્નિચર પણ તેની જગ્યાએથી ખસવા લાગ્યું હતું. 22 વર્ષની એક વકીલે પોતાની આંખે જોયેલું ભયાનક દૃશ્ય વર્ણવતા કહ્યું કે કેવી રીતે લોકો એટલા ગભરાઈ ગયા હતા કે તેઓ બહાર નીકળવાના રસ્તા શોધતા હતા. તે જલદી બિલ્ડિંગમાંથી બહાર નીકળવા માગતા હતા.

2 દિવસ પહેલાં પણ આવ્યો હતો જોરદાર ભૂકંપ

આ પહેલા પશ્ચિમ ઈન્ડોનેશિયામાં શુક્રવારે રાત્રે સમુદ્રની નીચે જોરદાર ભૂકંપ આવ્યો હતો, પરંતુ કોઈ જાન-માલના નુકસાનના સમાચાર નથી. યુએસ જીઓલોજિકલ સર્વે (USGS)એ અહેવાલ આપ્યો છે કે ભૂકંપની તીવ્રતા 6.9 હતી, જ્યારે તેનું કેન્દ્ર દક્ષિણ બેંગલુરુથી 202 કિલોમીટર દક્ષિણપશ્ચિમમાં 25 કિલોમીટરની ઊંડાઈએ હતું.

આ પણ વાંચો: Google Doodle: આ મહિલાએ બનાવ્યો છે દરિયાની સપાટીનો પ્રથમ વિશ્વ નકશો

21 November, 2022 03:03 PM IST | Jakarta | Gujarati Mid-day Online Correspondent

અન્ય લેખો

ઈન્ટરનેશનલ સમાચાર

બૉર્ડર પર તૈયારી, પાકિસ્તાન સાથે મિલીભગત, દરિયામાં હરકત

ચીન ભારતની વિરુદ્ધ વ્યાપક તૈયારી કરી રહ્યું હોવાનું અમેરિકન સંરક્ષણ મંત્રાલયના રિપોર્ટમાં સ્પષ્ટ જણાવવામાં આવ્યું છે

02 December, 2022 09:09 IST | New Delhi | Gujarati Mid-day Correspondent
ઈન્ટરનેશનલ સમાચાર

ભારત સાથેના અમારા સંબંધોમાં હસ્તક્ષેપ ન કરતા : ચીને આકરી ચેતવણી આપી છે અમેરિકાને

વર્ષ ૨૦૨૧ દરમ્યાન પીપલ્સ લિબરેશન આર્મી (પીએલએ)એ લાઇન ઑફ એક્ચ્યુઅલ કન્ટ્રોલ (એલએસી) પર સૈન્ય તહેનાત રાખવાનું તેમ જ ઇન્ફ્રાસ્ટ્રક્ચરનું બાંધકામ ચાલું રાખ્યું હતું.

01 December, 2022 10:02 IST | Washington | Gujarati Mid-day Correspondent
ઈન્ટરનેશનલ સમાચાર

World AIDS Day 2022: દરવર્ષે કેમ ઉજવવામાં આવે છે આ દિવસ? જાણો મહત્વ અને ઇતિહાસ

આખા વિશ્વમાં 1 ડિસેમ્બરના `વર્લ્ડ એઇડ્સ ડે` (World AIDS Day) તરીકે ઉજવવામાં આવે છે. આ દિવસ એડ્સ પ્રત્યે લોકોને જાગૃત કરવા અને તે લોકોને યાદ કરવા માટે ઉજવવામાં આવે છે, જેમની આ રોગ થકી મૃત્યુ થઈ છે.

01 December, 2022 10:00 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK