° °

આજનું ઇ-પેપર
Saturday, 03 December, 2022


પાકિસ્તાનના નવા આર્મી ચીફ તરીકે આસિમ મુનીરની નિમણૂક

24 November, 2022 05:09 PM IST | Lahore
Gujarati Mid-day Online Correspondent | gmddigital@mid-day.com

પાકિસ્તાનમાં ચાલી રહેલી રાજકીય ઉથલપાથલ વચ્ચે વડાપ્રધાન શાહબાઝ શરીફ(shahbaz sharif)એ આસિમ મુનીર (Syed Asim Muneer)ને પાકિસ્તાનના નવા આર્મી ચીફ તરીકે નિયુક્ત કરવાની જાહેરાત કરી છે.

આસિમ મુનીર (ફાઈલ ફોટો)

આસિમ મુનીર (ફાઈલ ફોટો)

પાકિસ્તાનમાં ચાલી રહેલી રાજકીય ઉથલપાથલ વચ્ચે વડાપ્રધાન શાહબાઝ શરીફ(shahbaz sharif)એ આસિમ મુનીર (Syed Asim Muneer)ને પાકિસ્તાનના નવા આર્મી ચીફ તરીકે નિયુક્ત કરવાની જાહેરાત કરી છે. ખાસ વાત એ છે કે આ એ જ અસીમ મુનીર છે, જેમને વર્ષ 2019માં પૂર્વ વડાપ્રધાન ઈમરાન ખાને ISI ચીફના પદ પરથી હટાવ્યા હતા. આવી સ્થિતિમાં માનવામાં આવી રહ્યું છે કે આવનારા દિવસોમાં ઈમરાન ખાનનું સ્ટ્રીટ પરફોર્મન્સ વધી શકે છે.

ગુરુવારે (24 નવેમ્બર), પાકિસ્તાનના સૂચના અને પ્રસારણ મંત્રી મરિયમ ઔરંગઝેબે ટ્વીટ કર્યું કે વડા પ્રધાન શાહબાઝ શરીફે લેફ્ટનન્ટ જનરલ સૈયદ અસીમ મુનીરને નવા સૈન્ય વડા તરીકે નિયુક્ત કરવાનો નિર્ણય લીધો છે. આ સિવાય લેફ્ટનન્ટ જનરલ સાહિર શમશાદ મિર્ઝાને જોઈન્ટ ચીફ ઑફ સ્ટાફ કમિટીના અધ્યક્ષ તરીકે નિયુક્ત કરવાનો નિર્ણય લેવામાં આવ્યો છે.

ઈમરાન ખાન સાથે ખરાબ સંબંધો
અસીમ મુનીર હાલમાં પાકિસ્તાન આર્મીના ક્વાર્ટર માસ્ટર જનરલ તરીકે તૈનાત હતા. આ પહેલા તેઓ ગુજરાનવાલામાં સ્થિત પાકિસ્તાન આર્મીની 30મી કોર્પ્સના કમાન્ડર હતા, જે ભારતના પંજાબની નજીકની સરહદો પર તૈનાત છે, પરંતુ આસિમ મુનીર ત્યારે ચર્ચામાં હતા જ્યારે જૂન 2019માં તત્કાલિન વડાપ્રધાન ઈમરાન ખાને તેમની નિમણૂક કરી હતી. પાકિસ્તાનની જાસૂસી સંસ્થાના વડા તરીકે તેમને માત્ર 8 મહિનામાં જ ISI ના DG પદ પરથી બહારનો રસ્તો દેખાડવામાં આવ્યો હતો. જો કે તેમને કયા કારણોસર હટાવીને કોર્પ્સ કમાન્ડર બનાવવામાં આવ્યા હતા તે જણાવવામાં આવ્યું નથી. એવું માનવામાં આવતું હતું કે ઈમરાન ખાન સાથેના ખરાબ સંબંધોના કારણે તેમને હટાવવામાં આવ્યા હતા. મુનીર પાકિસ્તાનના વર્તમાન આર્મી ચીફ જનરલ બાજવાનું સ્થાન લેશે, જેઓ આ મહિનાની 29મી તારીખે નિવૃત્ત થઈ રહ્યા છે. જનરલ બાજવા પહેલાથી જ ઈમરાન ખાનના વિરોધનો સામનો કરી રહ્યા છે.

મુનીર ISIનો ચીફ હતો
ફેબ્રુઆરી 2019 માં, ભારતે પાકિસ્તાનમાં બાલાકોટ એર સ્ટ્રાઈક કરી હતી જ્યારે મુનીર ISI ચીફના પદ પર હતા. બાલાકોટ સ્ટ્રાઈક બાદથી આસીમ મુનીર ઈમરાન ખાનના પક્ષમાં કાંટો બની ગયો હતો. જ્યારથી તેમને વડાપ્રધાન પદ પરથી હટાવવામાં આવ્યા છે ત્યારથી ઈમરાન ખાને પાકિસ્તાની સેના સામે યુદ્ધ છેડ્યું છે. ઈમરાન ખાન રાજકારણમાં પાકિસ્તાની સેનાની દખલગીરી સામે વિરોધ કરી રહ્યા છે. આવી સ્થિતિમાં મુનીર આર્મી ચીફ બને તો ઈમરાન ખાન વધુ નારાજ થઈ શકે છે. જો કે હાલના આર્મી ચીફ જનરલ બાજવાએ ઈમરાન ખાનના આરોપો અંગે પોતાનો ખુલાસો જારી કર્યો છે. પાકિસ્તાનમાં સેના અને ઈમરાન ખાન વચ્ચેની ખેંચતાણ જલ્દી ખતમ થાય તેમ લાગતું નથી. આવી સ્થિતિમાં ઇમરાન ખાન ટૂંક સમયમાં ફરી એકવાર રાવલપિંડી કૂચ શરૂ કરી શકે છે.

24 November, 2022 05:09 PM IST | Lahore | Gujarati Mid-day Online Correspondent

અન્ય લેખો

ઈન્ટરનેશનલ સમાચાર

મુંબઈની ઘટના બાદ દક્ષિણ કોરિયાએ જાહેર કરી એડવાઝરી, જાણો શું કહ્યું?

દક્ષિણ કોરિયાની એમ્બેસીએ ભારતમાં પોતાના નાગરિકોને સુરક્ષાને ધ્યાનમાં રાખીને રાત્રે બહાર ન નીકળવાની અપીલ કરી છે. એવું કહેવાય છે કે ભારતીય શહેરોમાં રાત્રે બહાર નીકળવું સલામત નથી.

02 December, 2022 01:21 IST | South Korea | Gujarati Mid-day Online Correspondent
ઈન્ટરનેશનલ સમાચાર

કેવી રીતે બની પ્રથમ કેસેટ વીડિયો ગેમ? ગૂગલે ડૂડલ દ્વારા જણાવી કહાની

ગેરાલ્ડ જેરી લૉસને પોતાના જૂના ટીવીનું સમારકામ કરી નવા પાર્ટનો ઉપયોગ કરી પોતાનું રેડિયો સ્ટેશન બનાવ્યું હતું.

02 December, 2022 12:29 IST | New York | Gujarati Mid-day Online Correspondent
ઈન્ટરનેશનલ સમાચાર

World AIDS Day 2022: દરવર્ષે કેમ ઉજવવામાં આવે છે આ દિવસ? જાણો મહત્વ અને ઇતિહાસ

આખા વિશ્વમાં 1 ડિસેમ્બરના `વર્લ્ડ એઇડ્સ ડે` (World AIDS Day) તરીકે ઉજવવામાં આવે છે. આ દિવસ એડ્સ પ્રત્યે લોકોને જાગૃત કરવા અને તે લોકોને યાદ કરવા માટે ઉજવવામાં આવે છે, જેમની આ રોગ થકી મૃત્યુ થઈ છે.

01 December, 2022 10:00 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK