Rajkot Rape Case: આરોપ હતો કે યુવકે પ્રેમના બહાને બે વર્ષથી વધુ સમય સુધી છોકરી પર બળાત્કાર ગુજાર્યો. છોકરી 14 વર્ષની હતી અને તે ગર્ભવતી થઈ. તેણે કથિત રીતે છોકરીને ધમકી પણ આપી હતી કે જો તે તેનું કહેવું નહીં માને તો તે તેના પરિવારને નુકસાન પહોંચાડશે.
પ્રતીકાત્મક ફાઇલ તસવીર
ગુજરાતના રાજકોટ જિલ્લાની એક અદાલતે બળાત્કાર કેસમાં મહત્ત્વપૂર્ણ ચુકાદો આપ્યો છે. ધોરાજી શહેરની અદાલતે 14 વર્ષની છોકરી પર બળાત્કાર કરવાના કેસમાં 22 વર્ષીય યુવકને દોષિત ગણાવ્યો. આ કેસની ખાસ વાત એ છે કે બળાત્કાર બાદ છોકરી ગર્ભવતી થઈ ગઈ. જોકે ડીએનએ રિપોર્ટમાં બાળકના પિતા તરીકે આરોપીની ઓળખ થઈ ન હતી, તેમ છતાં અન્ય પુરાવાઓ અને પીડિતાના નિવેદનના આધારે કોર્ટે તેને દોષિત જાહેર હતો. ઉપરાંત, કોર્ટે રાજકોટ પોલીસ અધિક્ષક (SP)ને તપાસ અધિકારી (IO) સામે વિભાગીય તપાસ કરવાનો આદેશ આપ્યો છે. આ તપાસ એટલા માટે કરવામાં આવી કારણ કે અન્ય બે અન્ય શંકાસ્પદો, જેમને છોકરીની ફઈ દ્વારા દાખલ કરવામાં આવેલી ફરિયાદમાં તેના મિત્રો કહેવામાં આવ્યા હતા, તેમની તપાસ કરવામાં આવી ન હતી. ગુનેગારને 20 વર્ષની જેલની સજા ફટકારવામાં આવી છે.
સુનાવણી દરમિયાન ફઈએ પોતાનું નિવેદન ફેરવી દીધું
ADVERTISEMENT
જુલાઈ 2024 માં, પીડિતાની ફઈએ ભવાવદર પોલીસ સ્ટેશનમાં ફરિયાદ નોંધાવી. આરોપ હતો કે યુવકે પ્રેમના બહાને બે વર્ષથી વધુ સમય સુધી છોકરી પર બળાત્કાર ગુજાર્યો. છોકરી 14 વર્ષની હતી અને તે ગર્ભવતી થઈ. તેણે કથિત રીતે છોકરીને ધમકી પણ આપી હતી કે જો તે તેનું કહેવું નહીં માને તો તે તેના પરિવારને નુકસાન પહોંચાડશે. જોકે, સુનાવણી દરમિયાન પીડિતાની ફઈ તેની જ વિરોધી થઈ ગઈ હતી.
સરકારી હૉસ્પિટલમાં બાળકીનો જન્મ થયો
છોકરીએ તેના પર બે વર્ષમાં અનેક વખત બળાત્કાર થયો હોવાની કબૂલાત આપી હતી. જ્યારે તેણીનો માસિક ધર્મ ચૂકી ગયો, ત્યારે તેણીએ આરોપી પાસે ગર્ભપાતની ગોળીઓ માગી, જે તેણે આપી નહીં. એક સંબંધીના ઘરે ગર્ભાવસ્થા પરિક્ષણમાં તેણીની સ્થિતિની પુષ્ટિ થઈ, અને બાદમાં તેણીએ જૂનાગઢની સરકારી હૉસ્પિટલમાં એક બાળકને જન્મ આપ્યો.
કોર્ટે શું કહ્યું?
સરકારી વકીલે દલીલ કરી હતી કે ડીએનએ રિપોર્ટ મુજબ આરોપી બાળકનો પિતા નથી. તપાસ અધિકારીએ ઉલટતપાસ દરમિયાન સ્વીકાર્યું કે ફરિયાદીએ તેની ફરિયાદમાં આરોપી તરીકે બે અન્ય વ્યક્તિઓના નામ આપ્યા હતા. આમ છતાં, તપાસ અધિકારીએ તે વ્યક્તિઓ ગુનામાં સામેલ હતા કે નહીં તે જાણવા માટે કોઈ તપાસ હાથ ધરી ન હતી. તેમણે વધુમાં દલીલ કરી હતી કે ડીએનએ રિપોર્ટ મળ્યા પછી પણ, તપાસ અધિકારીએ બાકીના શંકાસ્પદોની સંડોવણી અંગે છોકરી કે તેના સંબંધીઓના નિવેદનો નોંધ્યા ન હતા, અને પીડિતાના નિવેદનને ફક્ત તેના બાળકનો ડીએનએ રિપોર્ટ આરોપી સાથે મેળ ખાતો નથી તે માટે નકારી શકાય નહીં.
આ સાથે કોર્ટે રાજકોટ પોલીસ અધિક્ષકને તપાસ અધિકારી સામે વિભાગીય તપાસ કરવાનો નિર્દેશ આપ્યો હતો, જેથી જાણવા મળે કે અન્ય બે શંકાસ્પદો સામે તપાસ કેમ હાથ ધરવામાં આવી નથી. રાજકોટના એસપી હિમકર સિંહે જણાવ્યું હતું કે કોર્ટના આદેશ મુજબ, મેં કેસના આઈઓ સામે વિભાગીય તપાસ એએસપી સિમરન ભારદ્વાજને સોંપી છે.
