Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ગુજરાત સમાચાર > આર્ટિકલ્સ > એક શનિવારે કોર્ટમૅરેજ કર્યાં બીજા શનિવારે પત્ની-સાળી સાથે સ્વાહા

એક શનિવારે કોર્ટમૅરેજ કર્યાં બીજા શનિવારે પત્ની-સાળી સાથે સ્વાહા

27 May, 2024 06:44 AM IST | Ahmedabad
Prakash Bambhroliya | prakash.bambhroliya@mid-day.com

કોર્ટમૅરેજ કર્યા બાદ ૧૧ જૂને કૅનેડા પાછો જવાનો હતોઃ ડિસેમ્બરમાં અમેરિકામાં વિધિવત્ લગ્નનું આયોજન હતુંઃ હાથમાં પહેરેલા કડા અને વીંટીથી મૃતદેહ ઓળખાયો: અમેરિકાના ઇન્ડિયાના સ્ટેટમાં રહેતાં માતા-પિતા આજે ભારત આવ્યા બાદ DNA ટેસ્ટ કરવા માટે સૅમ્પલ આપશે

ગયા શનિવારે રાજકોટમાં કોર્ટમૅરેજ પછી અક્ષય ઢોલરિયા અને ખ્યાતિ સાવલિયા.

ગયા શનિવારે રાજકોટમાં કોર્ટમૅરેજ પછી અક્ષય ઢોલરિયા અને ખ્યાતિ સાવલિયા.


રાજકોટના નાના મવા રોડ પર આવેલા ગેમ-ઝોનમાં શનિવારે બપોર બાદ અચાનક લાગેલી આગમાં ૨૮ લોકો હોમાઈ ગયા હતા એમાં કૅનેડાથી ખાસ કોર્ટમૅરેજ કરવા રાજકોટ આવેલા પટેલ સમાજના ૨૪ વર્ષના અક્ષય ઢોલરિયા, તેની ૨૦ વર્ષની પત્ની ખ્યાતિ સાવલિયા અને ૨૪ વર્ષની સાળી હરિતાનો પણ સમાવેશ થાય છે. શનિવારે બપોર બાદ ત્રણેય ફરવા નીકળ્યાં ત્યારે તેમણે સપનામાં પણ વિચાર્યું નહીં હોય કે આજે તેમના જીવનનો છેલ્લો દિવસ છે. અર્જુન પાર્કમાં રહેતા મામાના ઘરેથી તેઓ બીજી કોઈ જગ્યાએ ફરવા નીકળ્યાં હતાં, પણ અચાનક તેમણે ગેમ-ઝોનમાં જવાનો નિર્ણય લીધો હતો અને તેઓ આગમાં હોમાઈ ગયાં હતાં. અક્ષયના મૃતદેહની ઓળખ તેણે હાથમાં પહેરેલા કડા અને વીંટીથી થઈ છે, જ્યારે એક અઠવાડિયા પહેલાં જ જેની સાથે કોર્ટમૅરેજ કર્યાં હતાં એ ખ્યાતિ સાવલિયા અને સાળી હરિતાના મૃતદેહોની તો ઓળખ પણ નથી થઈ શકી. ખ્યાતિનાં માતા-પિતા રાજકોટના મેઘાણીનગરમાં રહે છે એટલે તેમના મૃતદેહની ઓળખ કરવા DNA ટેસ્ટ માટે તેમણે બ્લડ-સૅમ્પલ આપી દીધાં છે. અક્ષયનાં આગલા શનિવારે કૉર્ટમૅરેજ થયાં હતાં અને આ શનિવારે તેનું પત્ની સાથે મૃત્યુ થયું હતું.

read-more-bannerplaystoreappstoreread-more-bannerplaystoreappstore
X
આખો આર્ટિકલ વાંચવા માટે ગુજરાતી મિડ-ડે એપ્લિકેશન ડાઉનલોડ કરો
Scanner
એપ ડાઉનલોડ કરવા માટે સ્કેન કરો QR કોડ
Scanner Scanner
Whatsapp-channel Whatsapp-channel

27 May, 2024 06:44 AM IST | Ahmedabad | Prakash Bambhroliya

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK