ગુજરાતમાં મતગણતરી માટે તૈયારીઓ શરૂ થઈ

ઈવીએમ સ્ટ્રૉન્ગરૂમમાં બંધ થયાં, ગુજરાતમાં ૩૭ સ્થળોએ થશે ૧૮૨ બેઠક માટેની મતગણતરી, અમદાવાદમાં ત્રણ સ્થળે મતગણતરી થશે

અમદાવાદમાં સ્ટ્રૉન્ગરૂમમાં ઈવીએમ સુર​ક્ષિત રીતે મૂકીને ચુસ્ત બંદોબસ્ત ગોઠવી દેવામાં આવ્યો છે. (તસવીર : જનક પટેલ)

ગુજરાતમાં વિધાનસભાની બન્ને તબક્કાનું મતદાન પૂરું થતાં હવે ચૂંટણીતંત્રએ મતગણતરીની તૈયારીઓ શરૂ કરી દીધી છે. ગુજરાતમાં ૩૭ સ્થળોએ ગુજરાતની ૧૮૨ બેઠકો માટે મતગણતરી ૮ ડિસેમ્બરે યોજાશે.

અમદાવાદમાં ગવર્નમેન્ટ પૉલિટે​​ક્નિક કૉલેજ, ગુજરાત કૉલેજ અને એલ.ડી. એ​​ન્જિનિયરિંગ કૉલેજ ખાતે મતગણતરી યોજાશે, જ્યારે સુરત અને આણંદ જિલ્લામાં બે સ્થળે, વડોદરામાં પૉલિટે​​ક્નિક કૉલેજ ઉપરાંત કચ્છમાં ભુજ ખાતે, બનાસકાંઠામાં પાલનપુર સહિત દરેક જિલ્લા વાઇઝ મુખ્યમથક પર મતગણતરી યોજાશે.

ADVERTISEMENT

અમદાવાદમાં ગવર્નમેન્ટ પૉલિટે​​ક્નિક કૉલેજ, ગુજરાત કૉલેજ અને એલ.ડી.એ​​ન્જિનિયરિંગ કૉલેજ ખાતે ઈવીએમ સ્ટ્રૉન્ગરૂમમાં સુર​િક્ષત રીતે મૂકી દેવામાં આવ્યાં છે અને સ્ટ્રૉન્ગરૂમની બહાર તેમ જ કૉલેજની બહાર પણ ચુસ્ત સુરક્ષા બંદોબસ્ત ગોઠવી દેવામાં આવ્યો છે.