લાઇનમાં ઊભા રહેવા છતાં મૅક્ડોનલ્ડ્સની વાનગી ન મળતાં મહિલાએ બોલાવી પોલીસ

Updated: 25th January, 2021 08:38 IST | Gujarati Mid-day Correspondent | Britain

ચોક્કસ વાનગીનો ઑર્ડર નોંધાવવાનો સમય સવારે ૧૧ વાગ્યે પૂરો થતો હતો

પ્રતીકાત્મક તસવીર
પ્રતીકાત્મક તસવીર

તાજેતરમાં બ્રિટનના મિડ સસેક્સ પાસેના વિસ્તારમાં એક મહિલા મૅક્‍ડોનલ્ડ્સના આઉટલેટમાં તેને ભાવતી વાનગીના બ્રેકફાસ્ટ માટે ડ્રાઇવ થ્રૂની કતારમાં હતી. એ ચોક્કસ વાનગીનો ઑર્ડર નોંધાવવાનો સમય સવારે ૧૧ વાગ્યે પૂરો થતો હતો. કતારમાં આગળ વધતાં-વધતાં પેલી મહિલા ઑર્ડર બુક કરાવવાની બારીએ પહોંચી ત્યારે ઘડિયાળનો કાંટો ૧૧થી આગળ વધી ગયો હતો.

પેલી મહિલા બારી પાસે ગઈ ત્યારે તેને કહેવામાં આવ્યું કે તમે માગો છો એ વાનગી હવે નહીં મળે, ૧૧ વાગી ગયા. તમે નૉર્મલ મેન્યૂમાંથી કોઈ પણ વાનગીનો ઑર્ડર આપી શકો છો. એ વખતે રોષે ભરાયેલી મહિલાએ પોલીસને ફોન કર્યો હતો. એ બાબતમાં પોલીસ કંઈ ન કરી શકે અને મૅક્ડોનનલ્ડ્સના મૅનેજર સાથે જ વાત કરવી પડે એ વાત સમજાવતાં પોલીસ-અધિકારીના નાકે દમ આવી ગયો. ડેરેન ટેલર નામના પોલીસ-અધિકારીએ એ કિસ્સો સોશ્યલ નેટવર્કિંગ સાઇટ ટ્વિટર પર વર્ણવ્યો છે.

First Published: 25th January, 2021 08:28 IST
Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK