વિરારમાં એક જ રાતમાં ચોરીની આઠ ઘટના

Published: 27th November, 2012 05:31 IST

વિરાર રેલવે-સ્ટેશન પાસે આવેલા એક શૉપિંગ સેન્ટરમાં ગઈ કાલે એકસાથે ૮ ઑફિસોમાં ચોરી થઈ હોવાની ઘટના બની હતી. આ શૉપિંગ સેન્ટરની નજીક જ વિરાર પોલીસ-સ્ટેશન હોવા છતાં આવી ઘટના બનતાં લોકોમાં આશ્ચર્ય વ્યક્ત થઈ રહ્યું છે.



વિરાર રેલવે-સ્ટેશન પાસે આવેલા મિર્ઝા શૉપિંગ સેન્ટરના પહેલા અને બીજા માળે કમ્પ્યુટર ઇન્સ્ટિટ્યુટ, બિલ્ડર્સ વગેરેની ઑફિસો છે. શનિવારે દરરોજની જેમ રાતે ઑફિસ બંધ કરીને બધા ઘરે જતા રહ્યા હતા. શનિવારે મોડી રાતે અમુક અજાણ્યા ચોરો ઑફિસમાં ઘૂસીને એમાંનો માલસામાન લઈને નાસી ગયા હતા. ચોરોએ ઑફિસમાંથી લૅપટૉપ અને કૅમેરા જેવી વસ્તુઓ મળી ૩૫,૫૦૦ રૂપિયાની માલમતા ચોરી હતી. રવિવારે જ્યારે લોકોએ ઑફિસ ખોલી ત્યારે આ ઘટના તેમના ધ્યાનમાં આવી હતી. આ પહેલાં પણ પોલીસ-સ્ટેશનની પાસેના પરિસરમાંથી એકસાથે ૭ જગ્યાએ ચોરી થઈ હતી. એમાંથી એક પણ ચોરને પોલીસ પકડી શકી નથી. એમાં હવે શૉપિંગ સેન્ટરમાં ચોરી થવાથી લોકો ચિંતામાં મુકાઈ ગયા છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK