ધીરૂભાઈ અંબાણીના મોટા ભાઈ રમણીક ભાઈનું 95 વર્ષે અમદાવાદમાં નિધન
રમણીક ભાઈ
રિલાયન્સ ઈન્ડસ્ટ્રીઝના ફાઉન્ડર ધીરૂભાઈ અંબાણીના મોટા ભાઈ રમણીક ભાઈનું 95 વર્ષે અમદાવાદમાં નિધન થયું છે. રમણીક ભાઈના સોમવારે જ અંતિમ સંસ્કાર કરવામાં આવ્યા હતા. રમણીક ભાઈના નિધનના સમાચાર સાંભળીને અંબાણી પરિવારમાં શોકની લાગણી છવાઈ ગઈ છે.
ધીરૂભાઇ અંબાણીના મોટાભાઈ રમણીક ભાઈ વયોવૃદ્ધ હોવાના કારણે નિધન થયું છે. આ અંગેની પુષ્ટી તેમના પરિવારે કરી છે. રમણીકભાઈ તેમના ભાઈ ધીરૂભાઇ અંબાણીના જીવનમાં દરેક પડાવના સાક્ષી રહ્યા છે. રિલાયન્સની શરૂઆતમાં પણ તેમણે મહત્વની ભૂમિકા ભજવી હતી.
ADVERTISEMENT
પરિવારના જણાવ્યા અનુસાર તેમણે 95 વર્ષનું સંપૂર્ણ અને ઉમદા જીવન જીવ્યું અને તેમના જીવન દરમ્યાન ભારતની સફળતાના સાક્ષી અને આજે અસ્તિત્વમાં રહેલા ઇતિહાસનો નાનો ભાગ બન્યા હતા. રમણીક ભાઈની દીકરી ઈલાના લગ્ન ગુજરાતના ઉર્જા મંત્રી સૌરભ પટેલ સાથે થયા છે.
1924માં હીરાચંદ અને જમુનાબેન અંબાણીના ઘરમાં તેમનો જન્મ થયો હતો. તેઓ ત્રણેય ભાઈઓમાંથી સૌથી મોટા હતા. એમના બે ભાઈ ધીરૂભાઈ અંબાણી અને નટુભાઈ અંબાણી અને બે બેન ત્રિલોચનબેન અને જસુમતિ બેન હતા.
તમને જણાવી દઈએ કે, રિલાયન્સ ઈન્ડસ્ટ્રીઝ કંપની દેશમાં ટોચમાં સ્થાને છે. તેથી આ પરિવાર પણ દેશની સૌથી ધનિક પરિવારમાં ગણના થાય છે. અંબાણી પરિવારના મુખ્યા રહેલા દિવંગત ધીરૂભાઈ અંબાણીના બે પુત્ર અનિલ અંબાણી અને મુકેશ અંબાણી કારોબાર સંભાળી રહ્યા છે.