હાફિઝ સઈદના બે સાગરીતોને ૧૫ વર્ષની કેદની સજા ફટકારતી પાકિસ્તાનની કોર્ટ

Published: 14th January, 2021 16:27 IST | Agencies | Lahore

પાકિસ્તાનની ઍન્ટિ-ટેરરિઝમ કોર્ટે આતંકવાદી સંગઠનોને નાણાકીય ભંડોળ પૂરું પાડવાના કેસમાં ૧૫ વર્ષ કરતાં વધુ સમયની કેદની સજા ફટકારી છે. બેમાંથી એક આરોપી સંગઠનનો મીડિયા ફેસ યાહયા મુજાહિદ છે.

પ્રતીકાત્મક તસવીર
પ્રતીકાત્મક તસવીર

મુંબઈ પરના આતંકવાદી હુમલાના માસ્ટરમાઇન્ડ અને પ્રતિબંધિત જમાત-ઉદ દાવા (જેયુડી)ના વડા હાફિઝ સઈદના બે સાગરિતોને પાકિસ્તાનની ઍન્ટિ-ટેરરિઝમ કોર્ટે આતંકવાદી સંગઠનોને નાણાકીય ભંડોળ પૂરું પાડવાના કેસમાં ૧૫ વર્ષ કરતાં વધુ સમયની કેદની સજા ફટકારી છે. બેમાંથી એક આરોપી સંગઠનનો મીડિયા ફેસ યાહયા મુજાહિદ છે.
લાહોરની ઍન્ટિ-ટેરરિઝમ કોર્ટે સઈદના બનેવી અબ્દુલ રહેમાન મક્કીને પણ છ મહિનાની જેલની સજા સંભળાવી હતી.
જજ અર્શદ હુસ્સૈન ભુટ્ટાએ પંજાબ પોલીસના કાઉન્ટર ટેરરિઝમ ડિપાર્ટમેન્ટ દ્વારા દાખલ કરવામાં આવેલા કેસમાં પ્રોફેસર અબ્દુલ રહેમાન મક્કીને છ મહિનાના જેલવાસ તથા યાહયા મુજાહિદ અને સફર ઇકબાલ, પ્રત્યેકને ૧૫ વર્ષના જેલવાસની સજા ફટકારી હતી, એમ અદાલતના એક અધિકારીએ બુધવારે જણાવ્યું હતું.
આ અગાઉ અદાલતે આતંકવાદી પ્રવૃત્તિ માટે ભંડોળ આપવાના કેસમાં મુજાહિદને ૪૭ વર્ષની જેલની સજા સંભળાવી હતી.એ જ રીતે ઇકબાલને પણ આવા ત્રણ કેસમાં ૨૬ વર્ષના જેલવાસમાં મોકલી દેવાયો હતો. મુજાહિદ અને ઇકબાલ બન્નેને લગભગ ૧૫ વર્ષ સુધી જેલમાં રખાશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK