મોરની આ તસવીર પણ શીખવે છે સોશ્યલ ડિસ્ટન્સિંગના પાઠ
મોરની આ તસવીર પણ શીખવે છે સોશ્યલ ડિસ્ટન્સિંગના પાઠ
કોરોના વાઇરસના ભય વચ્ચે એના ચેપથી બચવા માટે સોશ્યલ ડિસ્ટન્સિંગ પર વિશેષ ભાર મૂકવામાં આવી રહ્યો છે. ટ્વિટર પર આને લગતી અનેક સ્ટોરીઓ ફરી રહી છે, પણ હવે લાગે છે કે પ્રાણીઓએ પણ આ આદતને આત્મસાત્ કરી લીધી છે. લોકો ઘરમાં પુરાયા હોવાથી હવે પ્રાણીઓ આરામથી બહાર રોડ અને જાહેર જગ્યાએ વિચરી રહ્યાં છે. એવામાં ઇન્ડિયાના ફૉરેસ્ટ ઑફિસર પ્રવીણ કાસવાને ટ્વિટર પર એક વિડિયો પોસ્ટ કર્યો છે, જેમાં રાજસ્થાનના નાગૌરમાં એક સરકારી સ્કૂલની પરસાળમાં લાઇનબંધ મોર આરામ ફરમાવતા જોવા મળે છે. મૂળ વાત એ છે કે લૉકડાઉન દરમ્યાન આ મોર સ્કૂલની રૂમમાં પણ સોશ્યલ ડિસ્ટન્સિંગનું પાલન કરતાં એકમેકથી ચોક્કસ અંતર જાળવીને બેઠા છે. કાસવાને આ વિડિયો પોસ્ટ કરીને લખ્યું છે, ‘સોશ્યલ ડિસ્ટન્સિંગ આ પક્ષીઓ પાસેથી શીખવા જેવું છે.’
