કોલાનું કૅન ગટગટાવી દીધા પછી ખબર પડી કે અંદર મરેલો ઉંદર હતો
કોકા કોલા કેનમાંથી ઉંદર નીકળ્યો
ફ્રાન્સના વેરેની સુરસેઇન નામના ગામમાં ડૅમિઅન નામના કમ્પ્યુટર સાયન્ટિસ્ટે પોતાના ઘરની નજીકના એક રેસ્ટોરાંમાં પીત્ઝા ખાધો અને કોકા કોલાનું એક કૅન ઘરે લઈને આવ્યો. ડૅમિઅનનું કહેવું છે કે તેને કૅનનું વજન કંઈક એક્સ્ટ્રા જ ભારે લાગતું હતું, પણ તેને થયું કે કદાચ ક્વૉન્ટિટી વધારે ભરેલી હશે એટલે વજન વધુ હશે. જોકે તેણે કૅનની ઢાંકણું ખોલીને કોક પી લીધી એ પછી પણ કૅન વજનદાર જ હતું. એટલે તેણે અંદર જોયું તો ઉંદરના પગ દેખાયા. તરત જ તેણે કૅનની તસવીરો લીધી અને સોશ્યલ મીડિયા પર અપલોડ કરી. ફ્રાન્સના કોકા કોલાની હેડ ઑફિસમાં ફોન કર્યો તો એક કલાક સુધી કસ્ટમર કૅરવાળાએ તેને ફોન પર જ હોલ્ડ કરેલો રાખ્યો.
આ પણ વાંચો : કોને ખરીદવું છે આ કબૂતર, જાણો એની કિંમત
ADVERTISEMENT
કૅનનું ઢાંકણું પણ સહેજ ખૂલેલું હતું એટલે કૅન ખોલ્યા પછી ઉંદર અંદર જાય એવું સંભવ નથી અને કંપનીવાળાનું કહેવું છે કે કૅન ભરતી વખતે ઉંદર અંદર જાય એવી પણ કોઈ સંભાવના નથી. કંપની તરફથી યોગ્ય રિસ્પૉન્સ ન મળતાં ડૅમિઅને પોલીસને ફોન કર્યો તો પોલીસે પણ કંઈ ઍક્શન લેવાની ના પાડી દીધી. એ પછી તેણે હૉસ્પિટલમાં જઈને પોતાના શરીરમાં કોઈ પૉઇઝન નથી ગયુંને એની તપાસ કરાવી હતી.