ફટાકડાના અવાજથી ડરેલો ડૉગી દીવાલમાં ફસાયો

કૂતરા ફટાકડાના અવાજથી ઘણા ડરતા હોય છે એ આપણે બધાએ જોયું છે, પરંતુ ચીનમાં એક સ્ટ્રીટ-ડૉગ ફટાકડાના અવાજથી બચવા માટે એક દીવાલમાં ફસાઈ ગયો હતો. પરિણામે ઍનિમલ રેસ્ક્યુઅરને બોલાવવા પડ્યા હતા. સમગ્ર ઘટના ૧૩ ફેબ્રુઆરીએ ચીનના યાંચેંગમાં બની હતી, ત્યારે ચીનના લોકોએ પોતાના નવા વર્ષની ઉજવણી કરી હતી. ડૉગીને દીવાલમાં મોટું બાકોરું પાડીને એને બહાર કાઢવામાં આવ્યો હોય એનો વિડિયો પણ વાઇરલ થયો છે, જેમાં રેસ્ક્યુઅર દીવાલમાં મોટું બાકોરું પાડીને ડૉગીને ધીમે-ધીમે બહાર કાઢે છે. એને કોઈ પણ પ્રકારની ઈજા ન થાય એની પણ કાળજી રાખે છે. છૂટ્યા બાદ ડૉગી તરત ત્યાંથી ભાગી જાય છે.