ઑસ્ટ્રેલિયાનું આ યુગલ કોરોનાને લીધે ઘરમાં કેદ થયું
યુગલ
કોરોના વાઇરસના ખોફને લીધે જબરદસ્તી ઘરમાં પુરાઈ રહેવાના દિવસો આવ્યા છે. જોકે આમાં પણ કેટલાક ખુશમિજાજ લોકો આનંદ શોધી જ લે છે. ઑસ્ટ્રેલિયાના એક યુગલની કોરોનાને કારણે ક્રૂઝની ટ્રિપ રદ થઈ હોવા છતાં તેમણે ક્રૂઝનો આનંદ માણતો વિડિયો વિવિધ સોશ્યલ મીડિયા પર પોસ્ટ કર્યો હતો જેને લોકોએ ખૂબ વખાણ્યો છે.
ઑસ્ટ્રેલિયાનાં જેન ટ્રિલે ડેવિડ અને નોર્મા ટ્રિલનો વિડિયો ટ્વિટર અને ફેસબુક પર શૅર કર્યો છે, જેમાં યુગલ તેમના ઘરમાં સોફા પર બેસીને ડ્રિન્કનો આનંદ માણી રહ્યું છે અને સામે ટીવીમાં બ્લુ કલરના દરિયાનું દૃશ્ય દર્શાવતી કોઈક ફિલ્મ ચાલી રહી છે. તેમણે ક્રૂઝનો આનંદ માણતાં હોય એવા જ અંદાજ અને કપડાંમાં વિડિયો લીધો છે.
ADVERTISEMENT
સોશ્યલ મીડિયા પર તેમનો આ વિડિયો ઘણો વખણાયો છે. લોકોએ તેમની ભરપેટ પ્રશંસા કરી છે.