આ બહેનના પગ છે પૂરા પોણા પાંચ ફુટ લાંબા
લાંબા પગ ધરાવતી મહિલા
ઍવરેજ છોકરીઓની હાઇટ પાંચથી સવાપાંચ ફુટ જેટલી હોય છે, પરંતુ મૉન્ગોલિયામાં જન્મેલી રેન્તેન્સ્ખોર્લુ રેન બેડ નામની કન્યાના માત્ર પગ જ પોણાપાંચ ફુટના છે. કુલ ૬ ફુટ ૯ ઇંચની લંબાઈ ધરાવતી આ યુવતી હાલમાં અમેરિકાના શિકાગોમાં રહે છે. આ યુવતીના પગ ૫૨.૫ ઇંચ લાંબા છે, પરંતુ તેને શૉર્ટ્સ પહેરવાનો ઘણો શોખ છે. એને કારણે તેના લાંબા ઉઘાડા પગ સૌના આકર્ષણનું કેન્દ્ર બની રહ્યા છે. હાઇટ તેના પરિવારમાં છે. તેના પપ્પાની ઊંચાઈ ૬ ફુટ ૧૦ ઇંચ અને મમ્મીની ઊંચાઈ ૬ ફુટ ૧ ઇંચ છે. હાઇટને કારણે તેને પોતાને ફિટ બેસે એવાં રેડીમેડ કપડાં કપડાં શોધવા, પસંદ કરવાની હંમેશની મથામણ રહી છે. આટલી હાઇટ હોવા છતાં તેને શૉર્ટ્સની સાથે હાઈ હીલ્સ પહેરવાનું પણ ખૂબ ગમે છે.
આ પણ વાંચો : પૂરા મહિને પેટ પર હજારો મધમાખીની ચાદર ઓઢી આ પ્રેગ્નન્ટ યુવતીએ
ADVERTISEMENT
સૌથી નવાઈની વાત એ છે કે આટલા લાંબા પગ હોવા છતાં તે વિશ્વમાં સૌથી લાંબા પગ ધરાવતી મહિલા કરતાં પાછળ છે. મહિલાઓમાં વિશ્વના સૌથી લાંબા પગનો વિક્રમ અમેરિકાના જ ટેક્સસની ઑસ્ટિનમાં રહેતી મેસી ક્યુમિનનો છે. તેના પગ ૫૩ ઇંચ લાંબા છે. એ પહેલાં એ વિક્રમ રશિયાની એકાતેરિના લિસીના (૫૨.૨ ઇંચ લાંબા પગ)ના નામે હતો.