નવસારીઃ3.50 કરોડની જૂની ચલણી નોટ સાથે 4 ઝડપાયા
જૂની ચલણી નોટ સાથે 4 ઝડપાયા
નોટબંધી ત્રણ વર્ષ થવા છતાંય હજી જૂની ચલણી નોટ પકડાવાના કિસ્સા સામે આવી રહ્યા છે. દેશના જુદા જુદા વિસ્તારોમાં જૂની ચલણી નોટો પકડાઈ રહી છે. નવસારી લોકલ ક્રાઈમ બ્રાંચે 3.5 કરોડ રૂપિયાની જૂની ચલણી નોટો ઝડપી પાડી છે.
નવસારી ક્રાઈમ બ્રાંચે જૂની ચલણી નોટ સાથે ચાર શખ્સોને ઝડપી પાડ્યા છે. મળતી માહિતી મુજબ નવસારીના ઉંડાચ ગામ નજીકથી ચાર શખ્સોને જૂની ચલણી નોટોના જથ્થા સાથે પકડી પડાયા છે.
ADVERTISEMENT
નવસારી પોલીસ પેટ્રોલિંગ કરી રહી હતી, તે દરમિયાન બાતમીને આધારે આ ચારેય શખ્સો ઝડપાઈ ગયા. નેશનલ હાઈવે નંબર 48 પરથી એક કારમાં આ ચારેય શખ્સો જૂની ચલણી નોટો લઈને જઈ રહ્યા હતા, ત્યારે જ લોકલ ક્રાઈમ બ્રાંચે તેમને રંગે હાથ ઝડપી પાડ્યા.
આ પણ વાંચોઃ નવસારી: વડાપ્રધાન નરેન્દ્ર મોદીના ડ્રીમ પ્રોજેક્ટ સામે ખેડૂતોનો વિરોધ
પ્રાથમિક પૂછપરછમાં આ જૂની ચલણી નોટ મુંબઈની અલગ અલગ જગ્યાએથી લાવ્યા હોવાનું સામે આવ્યું છે. હાલ તે કોને આપવાના હતાં અને ક્યાંથી લાવ્યા તે દિશામાં પોલીસે તપાસ શરૂ કરી છે.
