કારગિલ વિજય દિવસ: વડાપ્રધાન, વાયુસેના, ભારતીય સેનાએ શહીદોને આપી સલામી

Published: Jul 26, 2020, 11:21 IST | Gujarati Mid-day Online Correspondent | New Delhi

આજે કારગિલ યુદ્ધને 21 વર્ષ પૂરા થયાં, #CourageInKargil સાથે સહુ કોઈ જવાનોના બલિદાનને યાદ કરી રહ્યાં છે

ફાઈલ તસવીર
ફાઈલ તસવીર

પાકિસ્તાન સાથે થયેલા યુદ્ધ બાદ ભારતને કારગિલ યુદ્ધમાં મળેલા વિજયને આજે એટલે કે 26 જૂલાઈએ 21 વર્ષ પૂરા થયાં છે. કારગિલ યુદ્ધ દરમિયાન ભારતીય જવાનોએ પ્રાણની આહુતિ આપીને ભારત માતાની રક્ષા કરી હતી અને પાકિસ્તાનને યુદ્ધમાં હરાવ્યું હતું. ભારતીય જવાનોના પ્રયત્નોને લીધે દેશે કારગિલ યુદ્ધમાં વિજય મેળવ્યો હતો. આજે કારગિલ વિજય દિવસ નિમિત્તે સમગ્ર દેશ શહીદ જવાનોને યાદ કરી રહ્યો છે.

માનનીય વડાપ્રધાન શ્રી નરેન્દ્ર મોદીએ કારગિલ વિજય દિવસે શહીદોના બલિદાનને યાદ કરતા ટ્વીટ કર્યું હતું કે, 'કારગિલ વિજય દિવસ પર આપણે આપણા સશસ્ત્ર દળોના હિંમત અને નિશ્ચયને યાદ કરીએ છીએ. જેમણે 1999માં આપણા રાષ્ટ્રની નિશ્ચિતપણે રક્ષા કરી. તેમની બહાદુરી આજની પેઢીને પ્રેરણા આપે છે.'

ભારતીય વાયુસેનાએ પણ કારગિલ યુદ્ધના જવાનોને વિશેષ સલામી આપી છે. ભારતીય વાયુસેનાએ જવાનોને નમન કરતાં ટ્વીટ કર્યું હતું કે, 'ભારતીય વાયુસેના કારગિલ યુદ્ધના જાંબાજોની બહાદુરી, સાહસ તથા નિઃસ્વાર્થ ત્યાગને નમન કરે છે. જય હિન્દ.'

જવાનોને વંદન કરતાં ભારતીય સેનાએ લખ્યું હતું કે, '26 જુલાઈએ કારગિલ વિજય દિવસના રૂપમાં ઉજવવામાં આવે છે. તે 1999માં કારગિલ યુદ્ધ દરમિયાન દેશની શાનદાર જીતની વીરગાથા છે. ભારતીય સેના આપણા નાયકોના અદમ્ય સાહસ, વીરતા અને બલિદાનને સલામ કરે છે.'

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK