લો બોલો ! આ યુવાને એક સાથે બંને ગર્લફ્રેન્ડ સાથે કરી લીધા લગ્ન !!

Published: Aug 27, 2019, 17:03 IST | ઈન્ડોનેશિયા

એક યુવાને એક સાથે બંને ગર્લફ્રેન્ડ સાથે લગ્ન કરી લીધા. બંનેમાંથી એક પણ ગર્લફ્રેન્ડને દુઃખ ન પહોંચે એટલા માટે ઈન્ડોનેશિયાના યુવાને બંને સાથે લગ્ન કરી લીધા.

આ ભાઈને ખુશનસીબ કહેવો કે....
આ ભાઈને ખુશનસીબ કહેવો કે....

કેટલાક લોકો એવા હોય છે, જેમને લગ્ન કરવા માટે છોકરી મળતી નથી. છોકરામાં કંઈ ખરાબી ન હોય, તેમ છતાંય કેટલીકવાર ન તો ગર્લફ્રેન્ડ મળે તો ન તો લગ્નલાયક છોકરી. આવા યુવાનોને ઈર્ષ્યા આવે તેવો કિસ્સો સામે આવ્યો છે. એક યુવાને એક સાથે બંને ગર્લફ્રેન્ડ સાથે લગ્ન કરી લીધા. બંનેમાંથી એક પણ ગર્લફ્રેન્ડને દુઃખ ન પહોંચે એટલા માટે ઈન્ડોનેશિયાના યુવાને બંને સાથે લગ્ન કરી લીધા.

વાઈસ ઈન્ડોનેશિયાના રિપોર્ટ પ્રમાણે આ યુવાને એક જ સમયે પોતાની બંને ગર્લફ્રેન્ડ સાથે લગ્ન કર્યા છે. આ ઘટનાનો વીડિયો સોશિયલ મીડિયા પર વાીરલ થયો છે. જેમાં ઈન્ડોનેશિયાનો યુવાન બે યુવતીઓ સાથે લગ્ન કરતો દેખાઈ રહ્યો છે. આ લગ્ન સમારોહ 17 ઓગસ્ટે ઈન્ડોનેશિયાના કાલિમંટનમાં યોજાયો હતો.

આ વીડિયોમાં દેખાય છે કે આ યુવાન પહેલા તો આ યુવાન કોને હા પાડવી તે મામલે અચકાય છે, પરંતુ ફાઈનલી બીજી વખતે બંનેને હા પાડી દે છે. લોકલ મીડિયા રિપોર્ટ્સ પ્રમાણે આ બંને મહિલાઓને પણ એક જ યુવાન સાથે લગ્ન કરી સાથે રેહવામાં કોઈ વાંધો નથી. આ યુવાને લોકલ રિપોર્ટર્સ સાથે વાતચીતમાં કહ્યું કે તે બંનેમાંથી એક પણ યુવતીને દુઃખી કરવા નથી ઈચ્છતો એટલે તેણે આવો નિર્ણય લીધો છે.

આ પણ વાંચોઃ દુકાનની અંદર ચોરી કરતો હતો ચોર, બહાર ઉભેલી એની ગાડી થઈ ગઈ ચોરી !!

વાઈસ મીડિયાના રિપોર્ટ પ્રમાણે આ યુવાને બંને ગર્લ ફ્રેન્ડના પરિવારને દહેજમાં મોટી રકમ પમ ચૂકવી છે. ઈન્ડોનેશિયામાં દહેજ પ્રથા સામાન્ય છે. અહીંના લોકો દહેજને પોતાની દિકરીનું ધ્યાન રાખવા માટેની સુરક્ષા તરીકે માને છે. આશ્ચર્યજનક વાત એ છે કે બે મહિલાઓ સાથે લગ્ન કરવા એ ઈન્ડોનેશિયામાં ગુનો નથી ગણાતો. ઈન્ડોનેશિયામાં નવા નિયમ પ્રમાણે એક પુરુષ ચાર મહિલાઓ સાથે લગ્ન કર શકે છે, જો કે આ માટે તે ચારેયની પાયાની જરૂરિયાતો પૂરી કરવા માટે અને તેમનું ધ્યાન રાખવા માટે સક્ષમ હોવો જરૂરી છે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK