જમ્મુ-કાશ્મીરમાં નવા-જૂનીનાં એંધાણઃ આજે બીજેપી નેતાઓની બેઠક

જમ્મુ-કાશ્મીરમાં નવા-જૂનીનાં એંધાણઃ આજે બીજેપી નેતાઓની બેઠક

મોદી-શાહ

કેન્દ્રની સત્તાધારી પાર્ટી બીજેપીએ આગામી દિવસોમાં બે મહત્ત્વની બેઠકો બોલાવી છે. એમાં પહેલી બેઠક જમ્મુ-કાશ્મીર કોર ગ્રુપની હશે જેમાં વડા પ્રધાન નરેન્દ્ર મોદી, ગૃહપ્રધાન અમિત શાહ અને બીજેપીના કાર્યકારી અધ્યક્ષ જેપી નડ્ડા ઉપસ્થિત રહેશે. આ બેઠક ૩૦ જુલાઈએ યોજાશે. આ સિવાય પાર્ટીએ પોતાના સાંસદો અને પ્રધાનો માટે અભ્યાસ વર્ગનું આયોજન કરવાનો નિર્ણય લીધો છે. દિલ્હીમાં યોજાનાર આ અભ્યાસ વર્ગ માટે ૩ અને ૪ ઑગસ્ટની તારીખ નક્કી કરાઈ છે. એટલું જ નહીં, અભ્યાસ વર્ગમાં વડા પ્રધાન નરેન્દ્ર મોદી, ગૃહપ્રધાન અમિત શાહ અને જેપી નડ્ડા ઉપસ્થિત રહેશે.

આ પણ વાંચો : રૉન્ગ સાઇડ વાહન ચલાવવા માટે 6 જણને થઈ બે દિવસની જેલ

ADVERTISEMENT

બીજેપીએ પોતાના તમામ સાંસદોને રવિવારે આ સંબંધમાં માહિતી આપતાં કહ્યું કે અભ્યાસ વર્ગમાં તેમની હાજરી ફરજિયાત છે. પાર્ટીના સંસદીય કાર્યાલય તરફથી તમામ સાંસદોને ૩ અને ૪ ઑગસ્ટે દિલ્હીમાં રહેવા આદેશ અપાયો છે. સૂત્રોનું કહેવું છે કે પ્રશિક્ષણ કાર્યક્રમ દરમિયાન વડા પ્રધાન નરેન્દ્ર મોદી અને અમિત શાહ સાંસદોને કેટલાક મહત્ત્વના મુદ્દાઓ અને વિષય અંગે જાણકારી આપશે.