બેકારીનો સામનો કરી રહેલા ગુજરાતી પરિવારને અકસ્માત નડતાં સારવાર માટે આર્થિક કટોકટી

Published: 16th January, 2021 10:57 IST | Gujarati Mid-day Correspondent | Mumbai

પતિ સાથે બાઇક પર જઈ રહેલાં છાયા સોલંકીને સુધરાઈની બેદરકારીને લીધે થયેલા ઍક્સિડન્ટમાં ગંભીર ઈજા થતાં સારવાર માટે આર્થિક મદદની જરૂર

મલાડની તુંગા હૉસ્પિટલમાં સારવાર લઈ રહેલી છાયા સોલંકી
મલાડની તુંગા હૉસ્પિટલમાં સારવાર લઈ રહેલી છાયા સોલંકી

વિરારથી મોટરબાઇક પર તેમના પતિ સાથે દાદર તરફ જઈ રહેલી ૪૦ વર્ષની છાયા રાહુલ સોલંકી બીજી જાન્યુઆરીએ રોડ અકસ્માતમાં ગંભીર રીતે ઈજા પામી હતી. સોમવારે છાયાના અકસ્માતમાં છુંદાઈ ગયેલા હાથમાં મલાડની તુંગા હૉસ્પિટલમાં પ્લાસ્ટિક સર્જરી કરવામાં આવશે. છાયાનો હૉસ્પિટલમાં સારવાર ખર્ચ અંદાજે ત્રણ લાખ રૂપિયાનો છે. લૉકડાઉનને કારણે બેકારી સામે સંઘર્ષ કરી રહેલા સોલંકીપરિવારની દુકાળમાં અધિક માસ જેવી હાલત થઈ ગઈ છે.

આ બાબતની માહિતી આપતાં રાહુલ સોલંકીએ ‘મિડ-ડે’ને કહ્યું હતું કે ‘હાઇવે પર ટ્રાફિક હતો એથી અમે હાઇવે પર એક સાઇડમાંથી પસાર થઈ રહ્યાં હતાં. ત્યારે રસ્તામાં ઊભરાતી ગટરના ગંદા પાણીમાં બાઇક સ્લિપ થઈ ગઈ હતી. અમે બન્ને બાઇક પરથી રોડ પર પડી ગયાં હતાં. મેં હેલ્મેટ પહેરી હોવાથી મને ફક્ત હાથમાં ફ્રૅક્ચર આવ્યું હતું, પરંતુ મારી વાઇફ છાયા બાઇક પરથી પડી જવાથી રોડ પર જ બેભાન થઈ ગઈ હતી. હજી મને કળ વળે એ પહેલાં જ પાછળ આવતી એક ટ્રકના પાછળના ટાયર છાયાના જમણા હાથ પર ફરી વળ્યા હતા જેમાં છાયાનો જમણો હાથ ચૂરેચૂરા થઈ ગયો હતો. તેના હાથમાંથી માંસના લોચા બહાર આવી ગયા હતા.’

હેલ્પ માટે સંપર્ક કરો

સોલંકીપરિવારને મેડિકલ સારવાર માટે હેલ્પ કરવા ઇચ્છતી સંસ્થાઓ અને વ્યક્તિઓ કૈલાશ સોલંકીના મોબાઇલ નંબર – 86983 41177 પર સંપર્ક કરી શકશે. તુંગા હૉસ્પિટલ પ્રાઇવેટ લિમિટેડનો ઍક્સિસ બૅન્ક કરન્ટ અકાઉન્ટ નંબર - 573010200005074, બ્રાન્ચ મીરા રોડ, IFSC Code No. UTIB0000573, PAN NO- AADCT0486D.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK