માત્ર દંડ નહીં, કાયમી સૉલ્યુશન શોધો અને દંડની રકમની હેલ્મેટ આપોઃહાર્દિક
હાર્દિકનું સરકારને સૂચન
કૉન્ગ્રેસના સ્ટાર પ્રચારક અને પાટીદાર અનામત માટે લડત પર ઉતરેલા હાર્દિક પટેલે ગઈકાલે કેન્દ્ર સરકારને હડફેટે લેતાં કહ્યું હતું કે સરકારને તિજોરી ભરવામાં રસ છે, હેલ્મેટના કાયદાનો પણ એવો જ ઉપયોગ કરવામાં આવે છે. હાર્દિક પટેલે કહ્યું હતું, ‘માન્યું કે સરકાર પ્રજાની ચિંતા કરે છે તો સરકાર માત્ર દંડ શું કામ વસુલ્યા કરે છે. હેલ્મેટનો કાયમી રસ્તો કાઢેને. તિજોરી ભરવાની બંધ કરે અને પાંચસોનો દંડ સાતસો કરીને દંડના બદલામાં હેલ્મેટ આપી દે, પ્રજાને હેલ્મેટમાંથી છૂટકારો પણ મળી જશે અને હેલ્મેટ પહેરવાનું પણ યાદ રહેશે.’
આ પણ જુઓઃ બેકલેસ ગાઉનમાં કરીનાની આ તસવીરો મેલર્બનમાં મચાવી રહી છે ધૂમ
ADVERTISEMENT
હાર્દિકે કહ્યું હતું કે બીજેપી સરકાર દંડના નામે ભક્તિ ચલાવે છે, એ બંધ થવી જોઈએ. હાર્દિક કહે છે, ‘સો-બસ્સો રૂપિયાનો દંડ લઈ લે અને બાકીની રકમમાંથી હેલ્મેટ આપશે તો નાના માણસોની મુશ્કેલી પણ હળવી થશે અને સરકારનો ઈરાદો પણ ક્લિઅર થશે.’
