CM રૂપાણીના કારના કાફલાને નડ્યો અકસ્માત, Dysp સહિત 4 લોકો ઇજાગ્રસ્ત
CMના કાફલાને નડ્યો અકસ્માત
સીએમ વિજય રૂપાણીના કાફલાની કારને અકસ્માત નડ્યો છે. મુખ્યપ્રધાન વિજય રૂપાણીના કાફલાની પાઈલટ કાર અને એક જીપ વચ્ચે અકસ્માત સર્જાયો છે. અંબાજી નજીક આ ઘટના બની છે.
મળતી માહિતી પ્રમાણે સીએમ વિજય રૂપાણીના કાફલાની પાઈલટ કાર અંબાજીથી પાછી ફરી રહી હતી. સીએમ વિજય રૂપાણી પત્ની અંજલીબહેન સાથે વહેલી સવારે અંબાજી મંદિરે દર્શન માટે ગયા હતા. અંબાજીથી પરત ફરતી વખતે આ અકસ્માત સર્જાયો છે. સીએમ વિજય રૂપાણીનો કાફલો જ્યારે પાછો ફરતો હતો ત્યારે કાફલામાં પાછળ આવી રહેલી પાઈલટ કારના રસ્તામાં અચાનક જંગલી ભૂંડ આવી જતા અકસ્માત સર્જાયો.
ADVERTISEMENT
આ પણ વાંચોઃ લોકસભા 2019: ગુજરાત દિગ્ગજોએ નિભાવી પોતાની ફરજ, જુઓ તસવીરો
પાઈલટ કાર જીપ સાતે અથડાઈ હતી. જેને કારણે અકસ્માત સર્જાયો. જીપમાં સવાર 3 મુસાફરોને ઈજા પહોંચી છે. તો પાઈલટ કારમાં સવાર પોલીસ કર્મચારીને પણ ઈજાગ્રસ્ત પહોંચી છે. આ અકસ્માતને કારણે થોડા સમય માટે ટ્રાફિક જામ થઇ ગયો હતો. હાલ પોલીસે આ મામલામાં તપાસ હાથ ધરી છે.
