હાઇ-પ્રોફાઇલ કસ્ટમરોને મર્સિડીઝમાં ડ્રગ્સની સપ્લાય કરતો આરોપી પકડાયો

Published: 8th February, 2021 12:56 IST | Gujarati Mid-day Correspondent | Mumbai

શનિવારે રાતે એનસીબીએ જોગેશ્વરીમાંથી ઇબ્રાહિમ મુજાવર ઉર્ફે ઇબ્રાહિમ કાસકરની ધરપકડ કરી હતી

પ્રતીકાત્મક તસવીર
પ્રતીકાત્મક તસવીર

સુશાંત સિંહ રાજપૂતના અપમૃત્યુ કેસમાં નીકળેલા ડ્રગ-ઍન્ગલની તપાસ નાર્કોટિક્સ કન્ટ્રોલ બ્યુરો (એનસીબી)એ શરૂ કરી હતી. ત્યાર બાદ બૉલીવુડની અનેક સેલિબ્રિટીઝને સમન્સ મોકલીને તપાસ માટે બોલાવવામાં આવી હતી. એનસીબીના ત્યાર પછી સતત દરોડા ચાલુ જ છે. શનિવારે રાતે એનસીબીએ જોગેશ્વરીમાંથી ઇબ્રાહિમ મુજાવર ઉર્ફે ઇબ્રાહિમ કાસકરની ધરપકડ કરી હતી.

એનસીબીએ કરેલી પૂછપરછમાં જાણવા મળ્યું હતું કે ઇબ્રાહિમ તેની મર્સિડીઝ કારમાં હાઇ-પ્રોફાઇલ ક્લાયન્ટ્સને ડ્રગ્સની ડિલિવરી આપવા જતો હતો. એનસીબીએ તેની કાર પણ જપ્ત કરી છે. તેને એ એમડી ડ્રગ ડોંગરીના આસિફ રાજકોટવાલાએ આપ્યું હોવાનું જણાવતાં તેની પણ ધરપકડ કરવામાં આવી હતી. તેની પાસેથી ચરસ મળી આવ્યું હતું. ઇબ્રાહિમ રીઢો ડ્રગ-પેડલર છે. તેની સામે આ પહેલાં જોગેશ્વરી પોલીસ-સ્ટેશનમાં ગુનો નોંધાયો હતો અને એ કેસમાં હાલ તે જામીન પર બહાર છે. એટલું જ નહીં, તેણે  પોલીસ પર પણ હુમલો કર્યો હતો અને તેના પર હત્યાના પ્રયાસનો ગુનો પણ નોંધાયો છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK