એક ફેફસું અને એક કિડની સાથે જન્મેલું બાળક પ્લાસ્ટિકનાં ફેફસાંથી જીવે છે
પ્લાસ્ટિક ફેફસા સાથે જીવે છે આ બાળક
લંડનમાં રહેતો ફ્રૅન્કી શૉપલૅન્ડ નામનો છોકરો હાલમાં ત્રણ વર્ષનો છે પણ તે અત્યાર સુધી કઈ રીતે જીવી શક્યો એ મેડિકલ સાયન્સ માટે પણ અચરજ છે. તે જ્યારે ગર્ભમાં હતો ત્યારે જ ડૉક્ટરોએ પેરન્ટ્સ ઍમી ગ્રાન્ટ અને કેરી શૉપલૅન્ડને અબૉર્શન કરાવી લેવાની સલાહ આપેલી. એનું કારણ એ હતું કે તેના શરીરના પોલાણમાં આવેલા વાઇટલ અવયવોમાં ગરબડ હતી. તેની છાતીની પાંસળીઓમાં એક જ ફેફસું હતું.
પેટના પોલાણમાં એક જ કિડની હતી અને હૃદય પણ ડાબી નહીં, જમણી તરફ હતું. એમ છતાં ઍમી અને કેરીએ બાળકને જન્મ આપવાનો નિર્ણય લીધો. બાળક પ્રી-મૅચ્યોર જન્મ્યું અને એનો જીવ ટકાવી રાખવાનું મુશ્કેલ હતું. શરૂઆતમાં તેને જિવાડવા માટે લગભગ આખો દિવસ વેન્ટિલેટર પર રાખવું પડતું હતું અને એને કારણે તેને પૂરતું પોષણ નહોતું આપી શકાતું.
ADVERTISEMENT
આ પણ વાંચો: અમેરિકામાં યોગ દિવસની ધૂમ, વૉશિંગ્ટનમાં 2500 લોકોએ કરાવ્યુ રજિસ્ટ્રેશન
પોષણના અભાવે શારીરિક વિકાસ સંભવ બનતો નહોતો. જોકે એ પછી ડૉક્ટરોએ તેની છાતીની પાંસળીમાં પ્લાસ્ટિકની નળી ઇમ્પ્લાન્ટ કરીને એવું ડિવાઇસ મૂક્યું જે પ્લાસ્ટિકના ફેફસા જેવું કામ આપે. આખો દિવસ તેના નાક પાસે આ પ્લાસ્ટિકની નળી લગાડેલી રાખવી પડે છે, પરંતુ એને કારણે હવે તે રમી-જમી અને ફરી શકે છે.
