ગુજરાતમાં મહિલાએ સંબંધ તોડતા પુરુષે 15 લાફા માર્યા
પ્રતિકાત્મક તસવીર
ગુજરાતમાં 24 વર્ષની મહિલાએ ફરિયાદ કરી છે કે તેના પ્રેમી સાથે સંબંધ યથાવત્ ન રાખતા તેને 15 લાફા માર્યા હતા. પોલીસના કહેવા પ્રમાણે આ મહિલા એક સરકાર હસ્તક બૅન્કની નરોડા બ્રાન્ચમાં ક્લર્ક તરીકે કામ કરે છે.
અમદાવાદ મિરરમાં આવેલા રિપોર્ટ પ્રમાણે, એક મહિલા તાનીયા (નામ બદલ્યું છે) રાજસ્થાનના ગંગાનગરની છે, જે શશીબાગમાં રહે છે. તેણે સાબરમતિ રિવરફ્રન્ટ (ઈસ્ટ) પોલીસમાં ફરિયાદ નોંધાવી છે કે, તે બસ સ્ટેન્ડમાં બસની રાહ જોતી હતી તે સમયે તેનો ભૂતપૂર્વ પ્રેમી યશવંત રાણા (34) આવ્યો, જે ગાંધીનગરનો રહેવાસી છે.
ADVERTISEMENT
રાણાની મોટરસાયકલમાં બેસીને તે રિવરફ્રન્ટના ઈસ્ટર્ન પાર્ટમાં રિવફ્રન્ટના ગાર્ડનના ગેટ નંબર-2માં પહોંચી હતી. રાણા સાથે તેણે વાતચીત કરી કે શા માટે તે ફોન ઉપાડતી નથી. વાત આગળ વધતા રાણાએ તેની મારપીટ કરી હતી.
તાનિયાએ આરોપ મૂક્યો છે કે રાણાએ તેને 15 લાફા માર્યા છે, તેમ જ મારી નાખવાની ધમકી પણ આપી છે. રાણાએ તાનિયાને તેના ઘર પાસે મૂકી જે પછી તાનિયા પોલીસ કમિશનરની ઓફિસમાં પહોંચી અને રિવરફ્રન્ટ (ઈસ્ટ) પોલીસ સ્ટેશનમાં ફરિયાદ નોંધાવી હતી.
