Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > માર્ગદર્શન > મુંબઈ યુનિવર્સિટી એડમિશન: આવતી કાલથી શરૂ થશે રજિસ્ટ્રેશન પ્રોસેસ, જાણો શેડ્યૂલ

મુંબઈ યુનિવર્સિટી એડમિશન: આવતી કાલથી શરૂ થશે રજિસ્ટ્રેશન પ્રોસેસ, જાણો શેડ્યૂલ

26 May, 2023 08:57 PM IST | Mumbai
Gujarati Mid-day Online Correspondent | gmddigital@mid-day.com

ગુરુવારે મહારાષ્ટ્રમાં બારમા ધોરણન પરિણામો જાહેર થયા બાદ મુંબઈ યુનિવર્સિટીએ ડિગ્રી પ્રોગ્રામ્સ માટે શૈક્ષણિક વર્ષ 2023-24 માટે પ્રવેશનું સમયપત્રક બહાર પાડ્યું છે

ફાઇલ તસવીર

ફાઇલ તસવીર


ગુરુવારે મહારાષ્ટ્ર (Maharashtra)માં બારમા ધોરણન પરિણામો જાહેર થયા બાદ મુંબઈ યુનિવર્સિટી (Mumbai University)એ ડિગ્રી પ્રોગ્રામ્સ માટે શૈક્ષણિક વર્ષ 2023-24 માટે પ્રવેશનું સમયપત્રક બહાર પાડ્યું છે. વિદ્યાર્થીઓ 27 મેથી 12 જૂન સુધી ઑનલાઈન અને ઑફલાઈન બંને ફોર્મેટમાં પ્રવેશ ફોર્મ ભરી શકે છે.

શહેરમાં અભ્યાસક્રમ અને કૉલેજને ધ્યાનમાં લીધા વિના, વિદ્યાર્થીઓએ મુંબઈ યુનિવર્સિટીમાં એડમિશન માટે પ્રી-રજિસ્ટ્રેશન ફોર્મ ભરવું ફરજિયાત છે, કારણ કે આ રજિસ્ટ્રેશન નંબર બાદમાં મુંબઈ યુનિવર્સિટીની સંલગ્ન કૉલેજોની પ્રવેશ પ્રક્રિયામાં મહત્વપૂર્ણ ભૂમિકા ભજવશે. મુંબઈ યુનિવર્સિટીમાં 27 મેના રોજ એડમિશન પ્રોસેસ શરૂ થવાની સાથે, પ્રી એડમિશન ફોર્મ પણ ઑનલાઇન મોડમાં ભરવું ફરજિયાત છે.



ઇન-હાઉસ અને માઈનોરિટી ક્વોટામાં એડમિશન સંબંધિત કૉલેજોમાં જ થશે. મુંબઈ યુનિવર્સિટીના એડમિશન શેડ્યૂલમાં એમ પણ કહેવામાં આવ્યું છે કે પ્રથમ મેરિટ લિસ્ટ 19 જૂન સુધીમાં જાહેર કરવામાં આવશે અને વિદ્યાર્થીઓને તેમના એડમિશન કન્ફર્મ કરવા માટે 27 જૂન સુધીનો સમય મળશે. તેવી જ રીતે, બીજી મેરિટ યાદી 28 જૂને બહાર પડશે અને વિદ્યાર્થીઓએ 5 જુલાઈ સુધીમાં તેમની પ્રવેશ પ્રક્રિયા કન્ફર્મ કરવાની રહેશે અને ત્રીજું (અંતિમ) મેરિટ લિસ્ટ 6 જુલાઈએ જાહેર કરવામાં આવશે. મુંબઈ યુનિવર્સિટીની તમામ સંલગ્ન કૉલેજોએ સમયપત્રકનું પાલન કરવું ફરજિયાત છે.


જ્યારે મોટાભાગની કૉલેજો HSC માર્કસના આધારે વિદ્યાર્થીઓને પ્રવેશ આપે છે, ત્યારે કેટલીક લોકપ્રિય કૉલેજો તેમની પોતાની પ્રવેશ પરીક્ષાઓ યોજે છે. મીઠીબાઈ કૉલેજ અને એનએમ કૉલેજ દ્વારા આ વર્ષે એડમિશન માટે કોમન યુનિવર્સિટી એન્ટ્રન્સ ટેસ્ટ (CUET) અને બોર્ડના માર્કસનો આધાર લેવામાં આવશે.

આ પણ વાંચો: છબરડાની પણ હાઇટ


સેન્ટ ઝેવિયર્સ કૉલેજમાં પ્રવેશ માટે ઝેવિયર્સ એન્ટ્રન્સ ટેસ્ટ (XET) જૂનના પહેલા ભાગમાં લેવામાં આવશે અને સેલ્ફ-ફાઇનાન્સ પ્રોગ્રામ્સ માટે આયોજિત જય હિંદ કૉમન ઓનલાઈન એન્ટ્રન્સ એક્ઝામ 15 જૂને લેવામાં આવશે.

Whatsapp-channel Whatsapp-channel

26 May, 2023 08:57 PM IST | Mumbai | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK