સુદાનીઝ તામિયા

Published: 25th October, 2012 06:08 IST

ચણાની દાળને પાંચ-છ કલાક પલાળો અને નિતારી લો. ત્યાર બાદ એને ધોઈને અલગ રાખો. આદું અને મરચાંને સમારી લો.



સામગ્રી

  •  દોઢ કપ ચણાની દાળ
  •  આઠ લીલાં મરચાં
  •  એક નાનો આદુંનો ટુકડો
  •  એક જૂડી સુવાની ભાજી
  •  પા ચમચી હળદર
  •  ચપટી હિંગ
  •  મીઠું સ્વાદ પ્રમાણે


સજાવટ માટે

  •  બે ચમચા ગાજરનું છીણ
  •  તળવા માટે તેલ


રીત

ચણાની દાળને પાંચ-છ કલાક પલાળો અને નિતારી લો. ત્યાર બાદ એને ધોઈને અલગ રાખો. આદું અને મરચાંને સમારી લો. સુવાની ભાજીને ધોઈને બારીક સમારી લો. ત્યાર બાદ મિક્સરના જારમાં ચણાની દાળ, આદું અને મરચાં ઉમેરી વાટી લો.

જરૂર પ્રમાણે પાણી ઉમેરી પીસી લો. ત્યાર બાદ ખીરાને મોટા બાઉલમાં કાઢી એમાં હળદર અને હિંગ ઉમેરો. સુવાની ભાજી ઉમેરી બરાબર ફીણી લો. હવે એક કડાઈમાં તેલ ગરમ કરો. હાથને ભીના કરી તૈયાર કરેલા ખીરામાંથી હાથેળી પર થેપીને નાના-નાના  તામિયા બનાવો અને એને તેલમાં બન્ને બાજુથી ગોલ્ડન બ્રાઉન થાય ત્યાં સુધી તળી લો. આ રીતે બધા તામિયા બનાવી સર્વિંગ પ્લેટમાં  કાઢી ઉપરથી ગાજરનું છીણ ભભરાવો. ચટણી અને સોસ સાથે ગરમ પીરસો. આ તામિયામાં સ્વાદ માટે ઝીણા સમારેલા કાંદા અને લસણની પેસ્ટ પણઉમેરી શકાય.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK