મેથી-મુંગદાલ પરાઠા

Published: 29th October, 2012 06:25 IST

મગની દાળને કૂકરમાં છૂટી રહે એમ બાફી લો. હવે એક બાઉલમાં ઘઉંનો લોટ લો. એમાં મગની બાફેલી દાળ, મેથીનાં પાન, જીરું, મીઠું અને કાળા મરીનો પાઉડર ઉમેરો.



સામગ્રી

  •  અડધો કપ મગની પીળી દાળ
  •  અડધો કપ મેથીનાં પાન (ઝીણાં સમારેલાં)
  •  અડધી ચમચી મરી પાઉડર
  •  એક ચમચી જીરું
  •  બે કપ ઘઉંનો લોટ
  •  શેકવા માટે ઘી
  •  મીઠું સ્વાદ પ્રમાણે


રીત

મગની દાળને કૂકરમાં છૂટી રહે એમ બાફી લો. હવે એક બાઉલમાં ઘઉંનો લોટ લો. એમાં મગની બાફેલી દાળ, મેથીનાં પાન, જીરું, મીઠું અને કાળા મરીનો પાઉડર ઉમેરો. આ મિશ્રણમાં જરૂર પ્રમાણમાં પાણી ઉમેરીને લોટ બાંધો. લોટને બરાબર મસળવો. બાંધેલા લોટના લૂઆ કરો. લૂઓ લઈ એને પરાઠાના આકારમાં વણો.

એક તવી ગરમ કરી એમાં પરાઠાને બન્ને બાજુ ઘી લગાવીને શેકી લો. આ રીતે બધા પરાઠા તૈયાર કરી સર્વિંગ પ્લેટમાં કાઢો. રાયતા અથવા દહીં સાથે એને ગરમ-ગરમ સર્વ કરો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK