મેથી-મુંગદાલ પરાઠા
સામગ્રી
ADVERTISEMENT
- અડધો કપ મગની પીળી દાળ
- અડધો કપ મેથીનાં પાન (ઝીણાં સમારેલાં)
- અડધી ચમચી મરી પાઉડર
- એક ચમચી જીરું
- બે કપ ઘઉંનો લોટ
- શેકવા માટે ઘી
- મીઠું સ્વાદ પ્રમાણે
રીત
મગની દાળને કૂકરમાં છૂટી રહે એમ બાફી લો. હવે એક બાઉલમાં ઘઉંનો લોટ લો. એમાં મગની બાફેલી દાળ, મેથીનાં પાન, જીરું, મીઠું અને કાળા મરીનો પાઉડર ઉમેરો. આ મિશ્રણમાં જરૂર પ્રમાણમાં પાણી ઉમેરીને લોટ બાંધો. લોટને બરાબર મસળવો. બાંધેલા લોટના લૂઆ કરો. લૂઓ લઈ એને પરાઠાના આકારમાં વણો.
એક તવી ગરમ કરી એમાં પરાઠાને બન્ને બાજુ ઘી લગાવીને શેકી લો. આ રીતે બધા પરાઠા તૈયાર કરી સર્વિંગ પ્લેટમાં કાઢો. રાયતા અથવા દહીં સાથે એને ગરમ-ગરમ સર્વ કરો.