બનાવો ખજૂરના લાડુ
ખજૂરના લાડુ
આજની વાનગી
સામગ્રી
+ ૨૫૦ ગ્રામ ખજૂર
+ ૨૫૦ ગ્રામ શિંગદાણા
+ ૨૫૦ ગ્રામ નારિયેળનું ખમણ
+ ૨૫૦ ગ્રામ ગોળ
+ ૧ ટેબલ-સ્પૂન કાજુનો ભૂકો
+ ૧ ટેબલ-સ્પૂન બદામનો ભૂકો
+ અડધી ટી-સ્પૂન એલચીનો ભૂકો
+ અડધી ટી-સ્પૂન જાયફળનો ભૂકો
+ ઘી જરૂર પ્રમાણે
+ ખસખસ જરૂર પ્રમાણે
રીત
ખજૂરનાં બી કાઢી મિક્સરમાં વાટી માવો બનાવવો. શિંગદાણાને શેકી, છોતરાં કાઢી ભૂકો કરવો. નારિયેળનું ખમણ બનાવવું. ખજૂરનો માવો, શિંગદાણાનો ભૂકો અને નારિયેળનું ખમણ ઘીમાં જુદાં-જુદાં શેકી ભેગું કરવું.
એક વાસણમાં ઘી મૂકી ગોળ કાપીને નાખવો. ગોળ ઓગળે અને ગોળનો પાયો થાય એટલે એમાં ખજૂરનું મિશ્રણ નાખવું. પછી કાજુ, બદામનો ભૂકો અને એલચી-જાયફળનો ભૂકો નાખી બરાબર મિક્સ કરી ઉતારી લેવું. હાથે ઘી લગાડી ગોળ લાડુ વાળવા. એક ડિશમાં ખસખસ મૂકી લાડુ ઉપર ખસખસની આછી છાંટ આવે એમ રગદોળવા.
