સંભોગ કેટલી વખત કરો છો એ અગત્યનું નથી, પણ કેવી રીતે કરો છો એ મહત્ત્વનું છે
પ્રતીકાત્મક તસવીર
મારી ઉંમર ૩પ વર્ષ છે, મારા મૅરેજને નવ વર્ષ થયાં છે. હું વાઇફની આખી બૉડી પર હાથ ફેરવું અને કિસ કરું એટલે જલદી ઉત્તેજિત થઈ જાઉં છું, પણ એને લીધે ઇન્ટિમેટ રિલેશન સમયે મારું એક્સાઇટમેન્ટ પણ બહુ જલદી પૂરું થઈ જાય છે અને ડિસ્ચાર્જ થઈ જાય છે. બીજી વાર મન થાય તો પેનિસમાં જલદી ઇરેક્શન આવતું નથી. અમારે સેક્સ-ડ્રાઇવ લાંબો સમય ચલાવવી હોય તો શું કરવું જોઈએ. આ ઉપરાંત મને જાણવું છે કે સેક્સની બે સાઇકલ વચ્ચે કેટલા સમયનું અંતર રાખવું જોઈએ? મારે મારા પ્રાઇવેટ પાર્ટમાં ઝડપથી ઇરેક્શન જોઈતું હોય તો એની માટે કોઈ મેડિસિન હોય તો એ પણ પ્લીઝ સજેસ્ટ કરો એવી વિનંતી.
અંધેરી
ADVERTISEMENT
સંભોગ કેટલી વખત કરો છો એ અગત્યનું નથી, પણ કેવી રીતે કરો છો એ મહત્ત્વનું છે. સંભોગ કેટલો લાંબો ચાલે એના કરતાં કેટલો આનંદદાયક નીવડે છે એ વધારે અગત્યનું છે. સંભોગમાં સંતોષ મહત્ત્વનો છે, એ તમે કોઈ પણ રીતે તમારા પાર્ટનરને આપી શકો છો અને એની માટે તમે આંગળીથી માંડીને ઇન્દ્રિય, જીભ કે વાઇબ્રેટરનો ઉપયોગ કરી શકો છો.
બે સેક્સ-ડ્રાઇવ વચ્ચે કેટલું અંતર રાખવું એ તમારી ઇચ્છા પર આધાર રાખે છે. જો તમને યોગ્ય ઉત્તેજના આવી શકતી હોય તો બે ડ્રાઇવ વચ્ચે અંતર હોય તો પણ કોઈ ફરક નથી પડતો. હકીકતમાં બીજી સેક્સ-ડ્રાઇવ માટે હસબન્ડ-વાઇફ બન્નેની અનુમતિ હોવી આવશ્યક છે. એક વાત યાદ રાખજો, તમારી સેક્સ-ડ્રાઇવ કેટલી લાંબી છે કે પછી તમે કેટલી વખત સેક્સ કરો છો એ જરા પણ મહત્ત્વનું નથી, મહત્ત્વનું એ છે કે તમને તમારા ફિઝિકલ રિલેશન દરમ્યાન કેટલો સંતોષ મળે છે.
તમે મેડિસિન માટે પૂછ્યું છે, પણ હું તમને અંગત સલાહ આપીશ કે એવી કોઈ મેડિસિનની આવશ્યકતા નથી. કામ કે પછી સેક્સ એક એવું વર્લ્ડ છે જેની સાથે કુદરતી આવેગોથી જ જોડાણ કરવામાં આવે તો એની મજા જુદી હોય છે એટલે શક્ય હોય ત્યાં સુધી કોઈ પણ પ્રકારની મેડિસિન લેવાને બદલે બહેતર છે કે તમે નેચરલી જ આગળ વધો અને એ પછી પણ જો તમને લાગતું હોય કે તમારે કેમિકલનો સપોર્ટ લેવો છે તો બહેતર છે કે તમે તમારા ફૅમિલી ડૉક્ટર કે પછી સારા સેક્સોલૉજિસ્ટને રૂબરૂ મળીને ઍડ્વાઇઝ લઈ શકો છો.
