Pakistani Google Trends: ઑપરેશન સિંદૂર બાદ પાકિસ્તાનના લોકો પણ કર્નલ સોફિયા કુરેશી, ઑપરેશન સિંદૂર અને ભારત-પાકિસ્તાન યુદ્ધ વિશે જાણવા માટે ઉત્સુક બન્યા છે. પાકિસ્તાનીઓ ભારત વિશે પણ સતત ગૂગલ પર કીવર્ડ્સ સર્ચ કરી રહ્યા છે.
સોફિયા કુરેશી
જમ્મુ અને કાશ્મીરના પહલગામમાં થયેલા આતંકવાદી હુમલાના જવાબમાં, ભારતે પાકિસ્તાન અને PoK (Pakistan Occupied Kashmir)માં હવાઈ હુમલાઓ દ્વારા ફરી એકવાર સાબિત કર્યું છે કે આતંકવાદ સામે ભારતની નીતિ "ઝીરો ટોલરન્સ" છે. આ મોટા ઑપરેશન પછી જ્યારે ભારતીય સેનાએ પ્રેસ કૉન્ફરન્સ યોજી ત્યારે ત્યાં સૌથી વધુ ધ્યાન કર્નલ સોફિયા કુરેશી અને વિંગ કમાન્ડર વ્યોમિકા સિંહ ખેંચ્યું હતું.
પ્રેસ કૉન્ફરન્સમાં કર્નલ સોફિયા કુરેશીએ સંપૂર્ણ આત્મવિશ્વાસ અને ગૌરવ સાથે ઑપરેશન વિશે માહિતી આપી અને જણાવ્યું કે ભારતીય સેનાએ આતંકવાદી ઠેકાણાઓને ચોકસાઈથી કેવી રીતે નિશાન બનાવ્યા. આ પ્રેસ કૉન્ફરન્સ પછી, કર્નલ સોફિયાની બહાદુરીની દેશભરમાં પ્રશંસા થઈ રહી છે અને સોશિયલ મીડિયા પર પણ તેમની ખૂબ ચર્ચા થઈ રહી છે. ઑપરેશન સિંદૂર પછી, પાકિસ્તાનના લોકો પણ કર્નલ સોફિયા કુરેશી, ઑપરેશન સિંદૂર અને ભારત-પાકિસ્તાન યુદ્ધ વિશે જાણવા માટે ઉત્સુક બન્યા છે.
ADVERTISEMENT
પાકિસ્તાનીઓ ગુગલ પર સોફિયા કુરેશી વિશે સર્ચ કરી રહ્યા છે. પાકિસ્તાનમાં ગુગલ ટ્રેન્ડ્સ પરથી જાણવા મળ્યું છે કે ત્યાં લોકો `સોફિયા કુરેશી` (Sophia Qureshi), `સોફિયા કુરેશીનો ધર્મ`, અને `સોફિયા કુરેશી ઇન્ડિયન આર્મી` (Sophia Qureshi Indian Army) જેવા કીવર્ડ્સ મોટા પાયે સર્ચ કરી રહ્યા છે.
ભારત પાસે કેટલા પરમાણુ બોમ્બ છે?
ઑપરેશન સિંદૂર પછી, પાકિસ્તાનીઓ ભારતમાં પાકિસ્તાનના યુદ્ધની વર્તમાન સ્થિતિ શું છે તે પણ શોધી રહ્યા છે. આ ઉપરાંત, એ પણ શોધવામાં આવી રહ્યું છે કે ભારત પાસે કેટલા પરમાણુ બૉમ્બ છે, ભારતીય સેનાના વડાનું નામ શું છે, જે વિશ્વની સૌથી શક્તિશાળી સેના છે. આનાથી સંબંધિત, પાકિસ્તાનમાં `India Stock Market, How Many Nuclear Bomb in India, Current Situation of india Pakistan war, Army Act Pakistan Top 10 Air Force In World, IndIan army Chief Name, Strongest Army in world, Indian Army Chief, Manoj naravane, How many Died in Operation Sindoor` જેવા કીવર્ડ્સ ગુગલ પર સૌથી વધુ સર્ચ કરી રહ્યાં છે.
રાફેલ મિસાઇલની કિંમત કેટલી છે?
પાકિસ્તાનીઓ ગૂગલ પર ઑપરેશન સિંદૂર વિશે પણ સર્ચ કરી રહ્યા છે. હવે સોશિયલ મીડિયા પર ઑપરેશન સિંદૂર, ઇન્ડિયા ઑપરેશન સિંદૂર, સિંદૂર ઍટેક, ઑપરેશન સિંદૂર શું છે જેવા શબ્દો સર્ચ કરવામાં આવી રહ્યા છે. આ ઉપરાંત, ત્યાંના લોકો સિંદૂરનો અર્થ જાણવા માટે ગુગલની મદદ લઈ રહ્યા છે. અત્યારે, ત્યાં સિંદૂર શું છે, સિંદૂરનો અર્થ વગેરે જેવા કીવર્ડ્સ સર્ચ કરવામાં આવી રહ્યા છે. ઑપરેશન સિંદૂર ઉપરાંત, પાકિસ્તાનીઓ ભારત વિશે પણ સતત ગૂગલ પર કીવર્ડ્સ સર્ચ કરી રહ્યા છે. તેઓ ગુગલ પર એ પણ શોધી રહ્યા છે કે રાફેલ મિસાઇલની કિંમત કેટલી છે.
