Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > લાઇફસ્ટાઈલ સમાચાર > સાયન્સ એન્ડ ટૅક્નોલૉજી > આર્ટિકલ્સ > WhatsApp પર હવે ચેટ પણ છુપાવી શકાશે, યૂઝર્સ માટે એપ લાવી રહ્યું છે નવું ધમાકેદાર ફીચર

WhatsApp પર હવે ચેટ પણ છુપાવી શકાશે, યૂઝર્સ માટે એપ લાવી રહ્યું છે નવું ધમાકેદાર ફીચર

02 April, 2023 03:29 PM IST | Mumbai
Gujarati Mid-day Online Correspondent | gmddigital@mid-day.com

તમે તમારી ગર્લફ્રેન્ડ સાથે ચેટ કરી રહ્યા છો અને તે સિક્રેટ રાખવા માગો છો અને ઈચ્છો છો કે તેના વિશે કોઈને ખબર ન પડે, તો આ ફીચર તમારા માટે જ છે. વોટ્સએપ (WhatsApp)ના લોક ચેટ ફીચરનો ઉપયોગ કરી શકાય છે

પ્રતીકાત્મક તસવીર

પ્રતીકાત્મક તસવીર


ભારતીય પરિવારોમાં પ્રાઇવસીને બહુ મહત્ત્વ આપવામાં આવતું નથી. લોકો વારંવાર ફોન કરવા માટે અથવા અન્ય કોઈ બહાને બીજાનો ફોન માગે છે. તે પછી તેઓ ફોન પરથી તમારી અંગત માહિતી મેળવે છે. મિત્રતામાં ઘણી વખત લોકો પ્રાઇવસીની મર્યાદા ઓળંગી જાય છે અને તમારી અંગત માહિતી રામ ભરોસે હોય છે. તેનાથી બચવા માટે વોટ્સએપ એક નવું ફીચર (WhatsApp New Feature) લાવી રહ્યું છે, જેની મદદથી યુઝર્સ પોતાની સિક્રેટ ચેટ્સને લોક કરી શકશે.

એનો અર્થ એ થયો કે ધારો કે તમે તમારી ગર્લફ્રેન્ડ સાથે ચેટ કરી રહ્યા છો અને તે સિક્રેટ રાખવા માગો છો અને ઈચ્છો છો કે તેના વિશે કોઈને ખબર ન પડે, તો આ ફીચર તમારા માટે જ છે. વોટ્સએપ (WhatsApp)ના લોક ચેટ ફીચરનો ઉપયોગ કરી શકાય છે, જેને વોટ્સએપ ટૂંક સમયમાં લોન્ચ કરી શકે છે. હાલમાં વોટ્સએપનું નવું ફીચર હજુ ડેવલપમેન્ટના તબક્કામાં છે.



નવું ફીચર કેવી રીતે કામ કરશે?


WABetainfoના રિપોર્ટ અનુસાર, WhatsAppના નવા ફીચરની મદદથી યૂઝર્સ પોતાની પર્સનલ ચેટ્સને લોક કરી શકશે. આ માટે ફિંગરપ્રિન્ટ સેન્સર અને પિન કોડ બંનેનો ઉપયોગ કરી શકાય છે. જો તમે વોટ્સએપ ચેટને લોક કરી છે, તો તેના ફોટા અને વીડિયો ફોટો ગેલેરીમાં આપમેળે સેવ થશે નહીં. આ વધારાની લેયર સુરક્ષાથી સંવેદનશીલ ચેટ માહિતી સુરક્ષિત રહેશે. આ રીતે ફોટો ગેલેરીમાં જઈને કોઈ તમારી અંગત માહિતી મેળવી શકશે નહીં.

ક્યારે લોન્ચ થશે


વોટ્સએપ લોક ફીચરની લોન્ચિંગ તારીખ જણાવવામાં આવી નથી, પરંતુ તે ચોક્કસપણે જાણીતું છે કે લોક સુવિધા પહેલા એન્ડ્રોઇડ યુઝર્સ માટે ઉપલબ્ધ કરવામાં આવશે. આ પછી તેને iOS યુઝર્સ માટે રોલઆઉટ કરવામાં આવશે.

આ પણ વાંચો: આઇફોન બંધ હશે તો પણ કરી શકાશે પેમેન્ટ

ઉલ્લેખનીય છે કે વોટ્સએપ ચેટ એન્ડ-ટુ-એન્ડ એન્ક્રિપ્ટેડ છે. એટલે કે કોઈ તેને હેક કરી શકતું નથી, પરંતુ વોટ્સએપ નવી પ્રાઇવસી સુવિધાઓ રજૂ કરી રહ્યું છે, જેને પગલે ચેટ્સ લીકના ઘટના ક્રમને ટાળી શકાય.

Whatsapp-channel Whatsapp-channel

02 April, 2023 03:29 PM IST | Mumbai | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK