બહુ કામની ચીજ છે આ ઇલેક્ટ્રિક મસાજર પિલો

માર્કેટમાં અત્યારે જૅપનીઝ ટેક્નૉલૉજી પર આધારિત ઇલેક્ટ્રિક મસાજર ટ્રેન્ડમાં છે

ડિવાઇસ

હાથ-પગ, કમર કે ખભામાં દુખાવો હોય ત્યારે કોઈ દબાવી આપે જેથી થોડી રાહત મળે એવી આશા બધા રાખતા હોય છે, પણ કોઈના પર નિર્ભર ન રહીને જો એક ડિવાઇસ તમને વ્યક્તિ કરતાં પણ સારો મસાજ આપે તો? માર્કેટમાં અત્યારે જૅપનીઝ ટેક્નૉલૉજી પર આધારિત ઇલેક્ટ્રિક મસાજર ટ્રેન્ડમાં છે. નાના ઓશીકા જેવા દેખાતા આ ડિવાઇસની અંદર 4D મસાજ ટેક્નૉલૉજીની ઘૂમતી ચાર ગાંઠો બૉડીના પ્રેશર-પૉઇન્ટ્સ પર મસાજ કરે છે અને આ સાથે ગરમાટો આપીને રક્તપ્રવાહને સુધારે છે. એની મસાજ આપવાની પદ્ધતિ નૅચરલ મસાજનો અનુભવ કરાવે છે અને દુખાવામાં જલદી રાહત આપે છે.

નાનકડા ઓશીકા જેવું દેખાતું આ ઇલેક્ટ્રિક મસાજર પોર્ટેબલ અને લાઇટ-વેઇટ હોવાથી ઘરમાં, ઑફિસમાં, કારમાં કે બહાર ફરવા જતી વખતે પણ સાથે રાખી શકાય છે. એની ટેક્નૉલૉજીની વાત કરીએ તો ઓવરયુઝને અટકાવવા માટે ૧૫ મિનિટ પછી આપમેળે એ બંધ થાય છે. આ મસાજથી સ્ટ્રેસ ઓછું થવાની સાથે મસલ્સ રિલૅક્સ થાય છે. રાત્રે સૂતાં પહેલાં મસાજ કરવામાં આવે તો ઊંઘ પણ સારી આવે છે. માર્કેટમાં આ ગૅજેટનો ભાવ દોઢ હજાર જેટલો છે. જો તમે મસાજર વસાવવા માગતા હો તો આ ગૅજેટને વસાવી લેવું ખોટું નથી.