ગૂગલી સે ડર નહીં લગતા સા’બ, યૉર્કર સે ડર લગતા હૈ
ઉમેશ યાદવને સ્ટેડિયમમાં બોલિંગ કરતો તો બહુ જોઈ લીધો, પણ હવે તેને કૅમેરા સામે ઍક્ટિંગ કરતો જોવો હોય તો આ વીક-એન્ડમાં સાંજે ૭ વાગ્યે ઝિન્ગના ‘ગેમ ઑન’ જોવા બેસી જજો. ઉમેશને ક્રિકેટર બનવા કરતાં પણ પોલીસ બનવામાં વધુ રસ હતો અને તે એ માટે ટ્રેઇનિંગ પણ લેતો હતો. જૂજ લોકોને ખબર છે કે ઉમેશ માત્ર બે માર્કથી પોલીસ-ફોર્સમાં જૉઇન થતો રહી ગયો હતો.
ઍન્કર કરણ વાહી સાથે ઉમેશે પોતાના આ સપનાની વાત તો કરી જ છે, પણ સાથોસાથ તેણે બૉલીવુડના ખ્યાતનામ પોલીસ-કૅરૅક્ટરના ડાયલૉગ્સની મિમિક્રી કરી ઍક્ટિંગ કરીને પણ સૌકોઈને ખડખડાટ હસાવ્યા પણ ખરા અને ટીમ ઇન્ડિયાના કેટલાક પ્લેયરની મિમિક્રી કરીને સૌકોઈને અચરજ પણ આપ્યું હતું. મસ્તી, ધમાલ અને મનોરંજન આપતો આ આખો ઇન્ટરવ્યુ બે ભાગમાં આ વીક-એન્ડમાં જોવા મળશે.
