કરીના અને સૈફ સાથે વગર માસ્કે મરીન ડ્રાઈવ પર ફરતો દેખાયો તૈમૂર, લોકોએ કર્યા ટ્રોલ

Updated: Jun 08, 2020, 11:53 IST | Gujarati Mid-day Online Correspondent | Mumbai

લોકોએ કહ્યું કે, શું સેલેબ્ઝને કોરોના નથી થતો?

તસવીર સૌજન્ય: વિરલ ભાયાણી ઈન્સ્ટાગ્રામ અકાઉન્ટ
તસવીર સૌજન્ય: વિરલ ભાયાણી ઈન્સ્ટાગ્રામ અકાઉન્ટ

કોરોના વાયરસ (COVID-19)ના આંકડઓ પર નજર કરીએ તો દેશમાં અન્ય રાજ્યોની સરખામણીમાં મહારાષ્ટ્રના આંકડા બહુ ચિંતાજનક છે. છતા લૉકડાઉનમાં છુટછાટ મળતા બધા જ ઘરની બહાર નીકળવા લાગ્યા છે અને સેલેબ્ઝ પણ તેમાંથી બાકાત નથી. અન્ય સેલિબ્રિટીની જેમ સૈફ અલી ખાન અને કરીના કપૂર ખાન પણ દીકરા તૈમૂરને લઈને મરીન ડ્રાઈવ પર ફરવા નીકળ્યાં હતા. આઉટિંગ દરમ્યાન સૈફ અને તૈમૂરે માસ્ક નહોતા પહેર્યા એટલે સોશ્યલ મીડિયા પર તેમને બહુ જ ટ્રોલ કરવામાં આવી રહ્યાં છે.

તાજેતરમાં પાપારાઝી વિરલ ભાયાણીએ તેના ઈન્સ્ટાગ્રામ અકાઉન્ટ પર કરીના, સૈફ અને તૈમૂરના મરીન ડ્રાઈવ પર ફરતા વીડિયો અને ફોટો શૅર કર્યા છે. જેમાં કેટલીક તસવીરોમાં સૈફ માસ્ક પહેર્યા વગર દેખાય છે તો કેટલીક તસવીરોમાં તૈમૂરે માસ્ક નથી પહેર્યું.

આવું બેદરકારી ભર્યું વલણ જોઈને યુર્ઝસ ભડકી ગયા છે અને સૈફ તેમજ તૈમૂરને ટ્રોલ કરી રહ્યાં છે. એક યૂર્ઝસે કમેન્ટ કરતા લખ્યું હતું કે, 'સેલિબ્રિટી માટે માસ્ક કરતા સનગ્લાસ પ્રાથમિકતા છે'. તો અન્ય એક યુઝરે કમેન્ટ કરી હતી કે, 'આશ્ચર્યની વાત એ છે કે સૈફ જેવા શિક્ષિત અને સંવેદનશીલ માણસ માસ્ક ન પહેરવા જેટલા બેદરકાર હોઈ શકે છે.'

 

Comments by users

Comments by users

તૈમૂરને આવી પરિસ્થિતિમાં શા માટે બહાર લઈ ગયા તેવા સવાલો પણ અનેક યુર્ઝસે કર્યા હતા. કમેન્ટ્સમાં લોકોએ લખ્યું હતું કે, 'તૈમૂરે શા માટે માસ્ક નથી પહેર્યું? આ બહુ બેદરકારી કહેવાય.' તો અન્ય એક યુઝરે લખ્યું હતું કે, 'નાના બાળકને બાહર લઈ જાય છે અને એ પણ માસ્ક વગર! શું જરૂર છે એવી? જ્યારે દિવસના દરરોજ 1000 કરતા વધુ કેસ નોંધાય છે ત્યારે તો આપણે સજાગ થવું જ જોઈએ.'

Comments by users

Comments by users

કેટલાક યુર્ઝસે કહ્યું હતું કે, 'આમને જોઈને લાગે છે કે મુંબઈ કોરોના મુક્ત થઈ ગયું છે'. તો કોઈકે કહ્યું હતું કે, 'શું સેલિબ્રિટીને કોરોના નથી થતો?!'

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK