રાધે: યૉર મોસ્ટ વૉન્ટેડ ભાઈને ૨૦૨૧ની ૨૬ જાન્યુઆરીએ રિલીઝ કરવામાં આવશે?
સલમાન ખાનની ‘રાધે: યૉર મોસ્ટ વૉન્ટેડ ભાઈ’ને 2021ની 26 જાન્યુઆરી દરમ્યાન રિલીઝ કરવામાં આવશે એવી શક્યતા છે. ફિલ્મનું હજી થોડુંઘણું કામ બાકી છે. લૉકડાઉનને કારણે શૂટિંગ અટકી પડ્યું છે. એથી જ્યારે સ્થિતિ સુધરી જશે તો સલમાન સૌપ્રથમ આ ફિલ્મનું બાકી રહેલું કામ પૂરું કરશે. આ ફિલ્મને 2020ની ઈદમાં રિલીઝ કરવાની હતી. એથી હવે 2021માં રિલીઝ કરવામાં આવશે. સલમાન તેના પનવેલના ફાર્મહાઉસમાં છે. ઑક્ટોબર અથવા તો નવેમ્બરમાં તે કામ શરૂ કરી શકે છે. એથી ‘રાધે : યૉર મોસ્ટ વૉન્ટેડ ભાઈ’ને રિલીઝ કરવા માટે તેમની પાસે પૂરતો સમય છે. આમ છતાં જો રિપબ્લિક ડેમાં ફિલ્મને રિલીઝ ન કરી શક્યા તો પછી સલમાન ફરી ઈદ પર એને રિલીઝ કરશે.