સંજય દત્ત ને સલમાનના ઝઘડાનો અંત આવ્યો સ્પેનમાં?
સલમાન ખાન અને સંજય દત્ત વચ્ચે ઝઘડો ચાલી રહ્યો છે અને તેઓ એકબીજાથી અંતર રાખી રહ્યા છે એવા સમાચારો ઘણા સમયથી ચાલી રહ્યા છે, પરંતુ સ્પેનમાં યોજાયેલા અવૉર્ડ-શોમાં તેમણે તેમના ઝઘડાનો અંત લાવી દીધો હતો. સંજયના જેલમાંથી આવ્યા બાદ સલમાન તેના માટે પાર્ટી આપશે એવી વાતો ચાલી હતી, પરંતુ એવું નહોતું બન્યું. બૉલીવુડની દરેક સેલિબ્રિટી સંજયને તેના ઘરે મળવા ગઈ હતી, પરંતુ સલમાન નહોતો ગયો તેથી તેમના ઝઘડાની વાતો બહાર આવી હતી. ત્યાર બાદ તેઓ તેમના ઝઘડાનો અંત પૉલિટિશ્યન બાબા સિદ્દીકીની ઇફ્તાર પાર્ટીમાં લાવશે એવી વાતો ચાલી હતી, પરંતુ સંજયે એ પાર્ટીમાં આવવાનું ટાળ્યું હતું. ત્યાર બાદ તેઓ સ્પેનમાં અવૉર્ડ-શોમાં સાથે જોવા મળ્યા હતા. અવૉર્ડ-શો પૂરો થયા બાદ સંજય તેની રૂમ પર જઈ ફ્રેશ થઈને સીધો સલમાનને મળવા ગયો હતો. તેમણે સાથે બેસી ઘણો સમય વાતચીત પણ કરી હતી.