Laxmmi Bomb:એક તરફ પોસ્ટર રિલીઝ, બીજી તરફ ડિરેક્ટરે છોડી ફિલ્મ
લક્ષ્મી બૉમ્બ પોસ્ટર રિલીઝ
શનિવારે અક્ષય કુમારની ફિલ્મ 'લક્ષ્મી બૉમ્બ'નું પોસ્ટર રિલીઝ થયું અને તેના થોડાંક જ કલાકમાં ડિરેક્ટર રાઘવ લૉરેન્સે ફિલ્મ છોડવાની જાહેરાત કરીને લોકોને ચોંકાવી દીધા છે.. રાઘવે આ નિર્ણય પાછળ કોઇક કારણ જણાવ્યું છે. જો કે તેણે એ પણ ચોખ્ખું કહી દીધું છે કે અક્ષયથી તેને કોઇ તકલીફ નથી.
Bringing you one bomb of a story,#LaxmmiBomb starring @Advani_Kiara & yours truly!Bursting in cinemas on 5th June,2020?
— Akshay Kumar (@akshaykumar) 18 May 2019
Fox Star Studios Presents
A Cape of Good Films Production in association with Shabinaa Entertainment & Tusshar Entertainment House
Directed by Raghava Lawrence pic.twitter.com/vlXyK4HkNE
ADVERTISEMENT
રાઘવે લક્ષ્મી બૉમ્બને છોડવાની જાહેરાત ટ્વિટર દ્વારા કરી. તેણે એક નોટ લખી જેમાં પોતાની વાત જણાવી. આ નોટ પરથી લાગે છે કે રાઘવ ફિલ્મના ક્રિએટિવ નિર્ણયોથી ખુશ નથી. તેણે એ પણ આરોપ મૂક્યો છે કે ફિલ્મનો ફર્સ્ટ લૂક માટે પણ તેની સાથે કોઈપણ સલાહ કર્યા વગર જ રિલીઝ કરી દેવાયો. તેને બહારના કોઇક વ્યક્તિ પાસેથી જાણ થઇ કે ફિલ્મ લક્ષ્મી બૉમ્બનું પોસ્ટર જાહેર કરવામાં આવ્યો છે. નોટ શૅર કરતાંની સાથે જ રાઘવે લખ્યું કે પ્રિય મિત્રો અને ચાહકો, આ દુનિયામાં, ધન - દોલતથી વધુ, કોઇ વ્યક્તિના ચારિત્ર્યનો સૌથી મોટો ભાગ તેનું સ્વાભિમાન છે. તેથી મેં આ પ્રૉજેક્ટથી હટવાનો નિર્ણય લીધો છે.
First Day of #LAAXMIBOMB ? @akshaykumar @RowdyGabbar #raghavalawrence @TusshKapoor and the journey has just begun ?? pic.twitter.com/ct8mAPd5Y5
— Kiara Advani (@Advani_Kiara) 27 April 2019
રાઘવે નોટની શરૂઆત તમિલ કહેવતથી કરી. રાઘવે લખ્યું- તમિલમાં એક કહેવત છે કે જે ઘરમાં સન્માન ના મળે, તે ઘરમાં ન જવું જોઇએ. આ દુનિયામાં ધન-દોલતથી સ્વાભિમાન વધું જરૂરી છે. તેથી હું લક્ષ્મી બૉમ્બ છોડી રહ્યો છું. હું અહીં કારણનો ખુલાસો નથી કરવા માંગતો, કારણ કે એક નહીં ઘણાં છે. પણ, તેમાંથી એક આ છે કે ફિલ્મનું પહેલું પોસ્ટર જે આજે મને જાણ કર્યા વિના રિલીઝ કરી દેવામાં આવ્યું. મારી સાથે આ બાબતે કોઇ ચર્ચા પણ નહોતી કરવામાં આવી. મને કોઇક ત્રીજા જ વ્યક્તિએ આવીને માહિતી આપી કે ફિલ્મ લક્ષ્મી બૉમ્બનું પોસ્ટર રિલીઝ કરી દીધું. એક ડિરેક્ટર માટે આ ખૂબ જ દુઃખદાયી ઘટના છે કે તેની ફિલ્મના ફર્સ્ટ લૂક રિલીઝ વિશે તેને કોઇ બાહરના વ્યક્તિએ આવીને માહિતી આપી. મને આ ખૂબ જ અપમાનજનક અને નિરાશાજનક લાગે છે. એક ક્રિએટિવ વ્યક્તિ તરીકે મને પોસ્ટર પણ સારું નથી લાગ્યું. આ કોઇપણ ડિરેક્ટર સાથે ન થવું જોઇએ.
Dear Friends and Fans..!I
— Raghava Lawrence (@offl_Lawrence) 18 May 2019
In this world, more than money and fame, self-respect is the most important attribute to a person's character. So I have decided to step out of the project, #Laxmmibomb Hindi remake of Kanchana@akshaykumar
@RowdyGabbar @Advani_Kiara pic.twitter.com/MXSmY4uOgR
રાઘવે આગળ કહ્યું કે તે ઇચ્છે તો ફિલ્મની સ્ક્રિપ્ટ પાછી લઇ શકે છે, પણ તે આવું નહીં કરે. હું મારી સ્ક્રિપ્ટ અટકાવી શકું છું. કારણ કે મેં કોઇ જ એગ્રીમેન્ટ સહી નથી કર્યો, પણ હું આવું નહીં કરું, કારણ કે આ પ્રૉફેશનલ વ્યવહાર નથી. હું મારી સ્ક્રિપ્ટ આપવા તૈયાર છું, કારણ કે હું અક્ષય કુમાર સરનું ખૂબ જ સન્માન કરું છું, તે મને હટાવીને પોતાની ઇચ્છાનુસાર કોઇ અન્ય ડાયરેક્ટરને લઇ શકે છે. હું ટૂંક સમયમાં જ અક્ષય કુમાર સરને મળીને તેમને સ્ક્રિપ્ટ આપી દઇશ અને એક સારા રીતેથી ફિલ્મ છોડી દઇશ. આખી ટીમને શુભેચ્છાઓ. આશા છે કે ફિલ્મ ખૂબ જ સફળ થાય.
આ પણ વાંચો : Cannes 2019:કંગના રનૌતનો આ બ્યૂટીફુલ લૂક ઈન્ટરનેટ પર થયો વાઈરલ
જણાવીએ કે લક્ષ્મી બૉમ્બ તમિલ ફિલ્મ કંચનાની ઑફિશિયલ રિમેક છે, જેને રાઘવે જ ડાયરેક્ટ કરી હતી. ફિલ્મમાં કિયારા અડવાણી ફિમેલ લીડમાં છે. ફિલ્મની સ્ટોરી એવા વ્યક્તિની છે જે એવા વ્યક્તિની આસપાસ છે, જેમાં એક ટ્રાન્સજેન્ડરની આત્મા આવી જાય છે. લક્ષ્મી બૉમ્બનો પહેલો પોસ્ટર આ જ ભાગને દર્શાવે છે. લક્ષ્મી બૉમ્બનું શૂટિંગ એપ્રિલના છેલ્લા અઠવાડિયામાં શરૂ થયું હતું.. ફિલ્મ આવતા વર્ષે 5 જૂને રિલીઝ થશે.