હૃતિકનો જેટલો આભાર માનું એટલો ઓછો: પ્રિયંકા

Published: 14th February, 2021 16:22 IST | Gujarati Mid-day Correspondent | Mumbai

તેના પપ્પા બીમાર થતાં હૃતિકે તેના કનેક્શનનો ઉપયોગ કરીને તરત જ લંડન માટે ફ્લાઇટ અરેન્જ કરી હતી

પ્રિયંકા ચોપડા જોનસનું કહેવું છે કે તે ક્યારેય હૃતિક રોશનનો આભાર સારી રીતે નથી માની શકી. પ્રિયંકા માટે તેના પપ્પા સ્વર્ગીય ડૉક્ટર અશોક ચોપડા ખૂબ મોટી સપોર્ટ-સિસ્ટમ હતા. આજે તે જેકાંઈ છે એ તેના પપ્પાના સપોર્ટને કારણે છે. જોકે તેના પપ્પા જ્યારે બીમાર પડ્યા હતા ત્યારે તેના કો-સ્ટાર હૃતિક રોશન તેની મદદે આવ્યો હતો. પ્રિયંકાના પપ્પાને જ્યારે કૅન્સર થયું હતું ત્યારે તેમને વિદેશ મોકલવા માટે હૃતિક રોશને ઇમર્જન્સી ફ્લાઇટની સુવિધા કરી આપી હતી. આ વિશે પોતાની ઑટોબાયોગ્રાફી ‘અનફિનિશ્ડ’માં આ વિશે લખતાં પ્રિયંકાએ કહ્યું હતું કે ‘હૃતિક હિન્દી ફિલ્મ-ઇન્ડસ્ટ્રીમાં ખૂબ જ સફળ ઍક્ટર છે અને તેણે ઍર ઇન્ડિયામાં તેના કનેક્શનનો ઉપયોગ કરીને મારા પપ્પા માટે તરત લંડનની ફ્લાઇટ અરેન્જ કરી આપી હતી. હૃતિક અને તેના પપ્પા રાકેશ સર તેમ જ બોસ્ટનમાં રહેતી અમારી ફૅમિલી જેવા લોકો જો અમારી સાથે ન હોત તો મને નહોતું લાગતું કે મારા પપ્પા એમાંથી બહાર આવી શક્યા હોત. તેમણે જે રીતે અમારી મદદ કરી છે એ જોઈને હું તેમનો જેટલો આભાર માનું એટલો ઓછો છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK