ક્રિતી ખરબંદાને મલેરિયા
ક્રિતી ખરબંદા
ક્રિતી ખરબંદાને મલેરિયા થયો છે અને તેને આરામ કરવાની સલાહ આપવામાં આવી છે. તેણે હાલમાં જ તેનો જન્મદિવસ સેલિબ્રેટ કર્યો હતો. તે દેવાંશુ સિંહની ‘14 ફેરે’ વિક્રાન્ત મેસી સાથે શૂટ કરવાની તૈયારી કરી રહી હતી. જોકે તે રિકવર થાય ત્યાં સુધી શૂટિંગને હોલ્ડ પર રાખવામાં આવ્યું છે. આ વિશે ફોટો ઇન્સ્ટાસ્ટોરીમાં શૅર કરતાં ક્રિતીએ લખ્યું છે, ‘હેલો, આ મારો મલેરિયાવાળો ચહેરો છે. તમે લોકો પણ એને આવકારો. એ થોડા સમય માટે આવ્યો છે, કારણ કે મારે જલદી શૂટિંગ પર જવાનું છે. મારા વિશે ચિંતા કરનારાઓને જણાવી દઉં કે હું આજે ખૂબ સારી છું અને આવતી કાલે એનાથી સારી હોઈશ એવી આશા રાખી રહી છું. થોડા-થોડા સમયે મને સારું નથી લાગતું, પરંતુ એ સમજી શકાય એમ છે. આ વર્ષે મને પૅશન્સ રાખતાં અને પોતાની જાતને પ્રેમ કરતાં શીખવ્યું છે. હું તમને આ વિશે અપડેટ કરતી રહીશ. તમારા પ્રેમ બદલ આભાર. મહેરબાની કરીને સારા મીમ શૅર કરતા રહેજો. ખાસ કરીને સારા શૅર કરજો. આરામ કરીને હું કંટાળી ગઈ છું. મારી પાસે હાલમાં કરવા માટે કાંઈ નથી.’
